ԵՐԵՎԱՆ, 6 սեպտեմբերի. /Նովոստի–Արմենիա/. Հայ ոսկերիչ Բեդրոս Սևաջյանի «Եթովպական ոսկե սկուտեղ» աշխատանքը ներկայացվել է Բուքինգհեմյան պալատում, հաղորդում է The Armenian Weekly հրատարակությունը։
Հայ ոսկերչի աշխատանքը ներկայացվել է «Թագավորական նվերներ» ցուցահանդեսի շրջանակում։ Ցուցադրության մեջ ընդգրկված են Եղիսաբեթ Երկրորդ թագուհուն մատուցված բացառիկ նվերները։
Загружается новость ...
"Право"
Սևաջյանը ոսկե սկուտեղը պատրաստել է Եթովպիայի կայսր Հայլե Սելասիեի հրամանով։ Այն նվիրել են Մեծ Բրիտանիայի թագուհի Եղիսաբեթ Երկրորդին 1965 թ.–ին Եթովպիա կատարած պետական այցի ժամանակ։
Սկուտեղը պատրաստված է Եթովպիայի հարավում գտնվող հանքավայրերի մաքուր ոսկուց։ Սկուտեղի լայնությունը 80 սմ է, երկարությունը` 50 սմ, այն կշռում է 14 կգ։ Ոսկե սկուտեղի վրա պատկերված են եթովպական կայսրական թագն ու բրիտանական թագը։
Ոսկերիչ Բեդրոս Սևաջյանը ծնվել է 1918 թ.–ին Այնթապում։ Նա եղել է Եթովպիայի կայսրական ընտանիքի ամենահայտնի ոսկերիչներից մեկը։ Բացի «Եթովպական ոսկե սկուտեղից», Սևաջյանը պատրաստել է նաև մի շարք այլ դիվանագիտական նվերներ։–0-
