Գետաձիերն ընդդեմ կոկորդիլոսի. այծքաղը փրկված է (ՎԻԴԵՈ)

ԵՐԵՎԱՆ, 2 սեպտեմբերի. /Նովոստի–Արմենիա/. Քրյուգերի ազգային պարկում զբոսնող զբոսաշրջիկները ականատես են եղել վայրի բնության գրկում կենդանիների փոխգործակցության հրաշալի մի օրինակի: Կոկորդիլոսը հարձակվել է հարավաֆրիկյան այծքաղի վրա, սակայն գետաձիերը քշել են սողունին:

Ինչպես տեղեկացնում է Nat-geo.ru-ն, Աֆրիկայի սավաննայում բնակվող հարավաֆրիկյան այծքաղը գրավիչ որս է շատ գիշատիչների` առյուծների, ընձառյուծների, բորենիների և կոկորդիլոսների համար: Վերջերս զբոսաշրջիկներն ականատես են եղել, թե ինչպես է գիշատիչ սողունը հարձակվել այծքաղի վրա: Կոկորդիլոսը ամուր բռնել էր կենդանու ոտքը և համառորեն քաշում էր ջրի մեջ։

Մինչև 4 տոննա կշռող այդ կենդանիները համարվում են մոլորակի խոշորագույն կենդանիներից մեկը: Նույնիսկ նրանցից մեկը կարող է քշել կոկորդիլոսին, իսկ երկուսի դեմ նա լիովին անզոր է: Արդյունքում, այծքաղը ազատվում է գիշատչի երախից, սակայն նրա ոտքը լրջորեն վնասվում է: Փորձագետները կարծում են, որ քիչ է հավանական, որ նա կարողանա ողջ մնալ։ Կորցնելով փախչելու կարողությունը` այծքաղը անպաշտպան է թշնամիների դեմ:

Միաժամանակ, գետաձիերի օգնությունը նրանց «ալտրուիզմով» չի բացատրվում։ Կենսաբանների խոսքերով, գետաձիերը պարզապես պայքարել են իրենց տարածքի համար: Նրանց համար կարևոր էր այնտեղից քշել ինչպես կոկորդիլոսին, այնպես էլ այծքաղին: Սողունը չի կարող վնասել մեծ կենդանուն, սակայն այն վտանգավոր է գետաձիու ձագերի համար: Իսկ այծքաղը մրցակից է սննդի` խոտի հարցում:-0-