Երեք օր փակ կլինի Երևանի կենտրոնի խաչմերուկներից մեկը

ԵՐԵՎԱՆ, 2 հունիսի. /Նովոստի–Արմենիա/. Տերյան 5 հասցեում կառուցվող բազմաբնակարան շենքի վրա բետոնալցման աշխատանքների կազմակերպման ընթացքում անվտանգության պարտադիր նորմերը պահպանելու նպատակով հունիսի 3-ից մինչև հունիսի 5-ը՝ առավոտյան ժամը 08:00-ից մինչև 19:00-ն Տերյան փողոցի Արամի և Պուշկինի փողոցների հատման ճանապարհահատվածում կդադարեցվի ավտոտրանսպորտային միջոցների երթևեկությունը, հաղորդում է Երևանի քաղաքապետարանը։

«Պատճառվող ժամանակավոր անհարմարությունների համար հայցում ենք մեր համաքաղաքացիների ներողամտությունը», – նշվում է գերատեսչության տարածած հաղորդագրության մեջ։–0–