ԵՐԵՎԱՆ, 13 սեպտեմբերի. /Նովոստի–Արմենիա/. Արտակարգ դեպք է տեղի ունեցել նախօրեին Եղեգնաձոր քաղաքում։
Ինչպես հայտնում է ԱԻՆ մամուլի ծառայությունը, սեպտեմբերի 12-ին, ժամը 19:59-ին «911» ծառայությանն ահազանգ է ստացվել, որ Վայոց ձորի մարզի Եղեգնաձոր քաղաքի Ալավերդյան փողոցի տներից մեկի բակում նկատվել է օձ, որին բռնելու և անվտանգ տարածք տեղափոխելու համար անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Նշվում է, որ փրկարարները բռնել են գյուրզա տեսակի օձին և տեղափոխել անվտանգ տարածք:–0–