ԵՐԵՎԱՆ, 21 հուլիսի. /Նովոստի–Արմենիա/. Սյունիքի մարզում հուլիսի 22–ին տեղի կունենա Ազնվամորու փառատոն։
Փառատոնն արդեն 2-րդ անգամ կանցկացվի World Vision Armenia միջազգային կազմակերպության աջակցությամբ։ Անցած տարի միջոցառումը մեծ շուքով անցկացվեց Արագածոտնի մարզում` Արագած լեռան ստորոտին։
Загружается новость ... "Лево"
Ինչպես «Նավաստի–Արմենիա» գործակալությանը նշեց World VisionArmenia կազմակերպության Արագածոտնի մարզի ծրագրերի ղեկավար Թամարա Բարբակաձեն, Սյունիքում, ինչպես և Արագածոտնում ազնվամորի աճեցնելու համար պայմանները բավական բարենպաստ են։
Նրա խոսքով, դա և բարենպաստ բնակլիմայական պայմաններ են, և մարդկային պոտենցիալի առկայությունը։
Նա հիշեցրեց, որ դեռ 2 տարի առաջ ձեռնամուխ էր եղել Ապարանում ազնվամորի աճեցնող ֆերմերային խմբերի ստեղծմանը։ «Այսօր արդեն ձևավորվել են 5 նման խմբեր, որոնցից յուրաքանչյուրը կազմված է 10 ֆերմերից», – ասաց Բարբակաձեն։
Նրա խոսքով, Արագածոտնի մարզի ֆերմերային խմբերը տարեկան աճեցնում են միջինը մոտ130 տոննա ազնվամորի, ինչը 20-30 տոննայով ավելի է, քան նախորդ տարիներին։
Ծրագրի ղեկավարը նշեց, որ կազմակերպությունը չի ֆինանսավորում ֆերմերային տնտեսություններին, քանի որ ուզում է, որ նրանք ինքնուրույն տնօրինեն իրենց բերքն ու սեփական բիզնեսը։
«Մենք առաջին հերթին օգնում ենք նրանց կապեր հաստատել գնորդների և այլ դոնոր կազմակերպությունների հետ։ Այդ նպատակով էլ անցած տարի Արագածոտնի մարզում կազմակերպվել է ազմվամորու փառատոն, որտեղ ֆերմերները ներկայացրել են հատապտղի իրենց բերքը»,– ասաց Բարբակաձեն։ -0-