ԵՐԵՎԱՆ, 28 հունվարի./Նովոստի–Արմենիա/. ՅՈւՆԵՍԿՕ–ն նախորդ տարվա դեկտեմբերին որոշեց Ադրբեջանի կողմից ներկայացված տոլմայի բաղադրատոմսը ներառել ոչ նյութական մշակութային ժառանգության ցանկում։ Այս որոշմամբ կազմակերպությունը յուղ լցրեց Հայաստանի և Ադրբեջանի միջև այս ճաշատեսակի ծագման համար մղվող երկարատև պայքարում։ Եվ աահա այս խոհարարական պայքարում արդեն կան առաջին «զոհերը»։
Տոլմա–Դոլմա
Life.ru–ի հաղորդմամբ, ռուսաստանաբնակ ադրբեջանցի հայտնի խոհարար, հեռուստահաղորդավար և գրքի հեղինակ Ստալիկ Խանկիշիևը բողոքել է, որ Facebook սոցցանցն արգելափակել է իր էջը։ Նա նշում է, որ իր Facebook–յան էջում հրապարակել է բանավեճային հոդվածներ, որոնց տակ առաջարկել է քննարկել տարածաշրջանային և ազգային որոշ ճաշատեսակների, այդ թվում` տոլմայի (որը նա անվանում է «դոլմա») ծագումը։ Խանկիշիևի պնդմամբ, իր էջն արգելափակվել է իր ընդդիմախոսի ջանքերով։
Загружается новость ... "Лево"
Մեր պատասխանը Չեմբեռլենին
«Նովոստի–Արմենիա» գործակալությունն ավելի ավաղ արդեն դիմել է Խանկիշիևի հայ ընդդիմախոս, «Հայ Խոհարարական ավանդույթների զարգացման և պահպանման» ՀԿ-ի ղեկավար Սեդրակ Մամուլյանին։
Այն ժամանակ Մամուլյանն Ադրբեջանին համեմատեց Ալադինի, իսկ ՅՈւՆԵՍԿՕ–ն` ջինի հետ, ով կատարում է Ալադինի ցանկությունները։ Միաժամանակ Մամուլյանը նշեց, որ ՅՈւՆԵՍԿՕ–ի որոշումն իր համար որևէ նշանակություն չունի։
Загружается новость ...
"Право"
Իսկ ի՞նչ է տոլման, և ինչո՞վ են այն ուտում
Տոլման խաղողի թերթիկների մեջ լցոնած աղացած միսն է։ Մամուլյանի խոսքով, տոլման ծագել է «տոլի» կամ «ուդուլի» բառերից, որոնք գրաբարում նշանակել են «խաղողի վազ»։ Ընդ որում, իսկական տոլման պատրաստել են մանր կտրատած մսից։ Մամուլյանը բազմիցս հայտարարել է, որ տոլման ավանդական հայկական ճաշատեսակ է, առանց որի հնարավոր չէ պատկերացնել որևէ խնջույք։
Загружается новость ... "Лево"
Տոլմա forever
Հիշեցնենք, որ Հայաստանում ամեն տարի անցկացվում է տոլմայի փառատոն։ Այս տարի այն կկայանա մայիսի 20–ին։ Նախատեսվում է, որ միջոցառումը կանցկացվի մեծ շուքով։
Բացի այդ, ողջ աշխարհում 2018թ.–ի մայիսին կկազմակերպվի տոլմայի միամսյակ։ Մամուլյանի խոսքով, նախապատրաստական աշխատանք է իրականացվել արդեն ՌԴ–ում, ԱՄՆ–ում, Լեհաստանում և Վրաստանում։–0–
