ԵՐԵՎԱՆ, 11 սեպտեմբերի. /Նովոստի–Արմենիա/. Երևանում 38 տարեկան տղամարդը 33 տարեկան տղամարդու հետ սեռական հարաբերությունների տեսագրությունները չհրապարակելու դիմաց խոշոր գումար է պահանջել։
ՀՀ ոստիկանության հաղորդմամբ, օրերս ոստիկանության Արաբկիրի բաժին է դիմել մի տղամարդ։ Նա Երևանի բնակիչ է, 33 տարեկան։
Загружается новость ... "Лево"
«Քննության շահերից ելնելով` ոստիկանությունը չի հրապարակում տղամարդու անուն–ազգանունն ու բնակության հասցեն», – նշվում է հաղորդագրության մեջ։
Ըստ տուժողի` մի տղամարդ իր հետ սեռական հարաբերություններ է ունեցել, ինչպես նաև սեքսուալ բնույթի այլ գործողություններ կատարել` ընդ որում մի քանի անգամ։ Գործողություններից երկուսը տեսանկարահանել է, և այն չհրապարակելու սպառնալիքով նրանից գումար է պահանջում։
Ոստիկանությունում նախապատրաստվեցին նյութեր, պարզվեց, որ նկարահանված սեռական հարաբերությունն ու սեռական բնույթի գործողությունը տեղի են ունեցել սեպտեմբերի 2–ին։ Նույն օրը տղամարդը սպառնացել է հրապարակել տեսաձայնագրություններն ու պահանջել է 3 մլն 500 հազար դրամ։
«Ոստիկանությունը ձեռնարկված հետախուզական միջոցառումների արդյունքում պարզել է կասկածյալի ինքնությունն ու գտնվելու վայրը», – նշվում է հաղորդագրության մեջ։
Загружается новость ...
"Право"
Կասկածյալը Երևանի բնակիչ 38 տարեկան Պավլիկ Մուշեղյանն է, ով հայտնաբերվել է Երևանի Կասյան փողոցում և բերման ենթարկվել ոստիկանություն շորթում կատարելու կասկածանքով։
Նա նախկինում դատապարտված չի եղել։
Ըստ տուժողի` Մուշեղյանն ու ինքը վաղուց ճանաչում են իրար, իրենց միջև ժամանակ առ ժամանակ սեռական հարաբերություններ են եղել, որոնք, նախնական տվյալներով, Մուշեղյանը չի նկարահանել։
Սակայն իրենց միջև տեղի ունեցածն ուրիշներին չասելու համար Մուշեղյանը զուգընկերոջից պարբերաբար փող է պահանջել ու ստացել։ Ստացած գումարը գերազանցում է 1 մլն դրամը։ Դեպքի հանգամանքները պարզվում են։–0–