ԵՐԵՎԱՆ, 23 հունվարի./Նովոստի–Արմենիա/. Արտաշես (Տաշ) Սարգսյանը հունվարի վերջին կհեռանա «Մատչ ՏՎ» ալիքի մարզական հեռարձակումների տնօրինության գլխավոր խմբագրի պաշտոնից։
Ինչպես
m24.ru–ին հաղորդել է հեռուստաալիքի աղբյուրը, հունվարի 27–ին Սարգսյանը վերջին անգամ կգա աշխատանքի։ Նա արդեն տեղեկացրել է այդ մասին հեռուստաալիքի կոլեկտիվին։
Սարգսյանը ստանձնել է այդ պաշտոնը 2015 թ.–ի աշնանը։
Տաշ Սարգսյանը ռուսաստանցի պրոդյուսեր է, դերասան, հեռուստահաղորդավար։ Նա «Comedy club»–ի հիմնադիրներից մեկն է, Total Football ամսագրի նախկին գլխավոր խմբագիրը, «Նոր հայեր» ՈւՀԱ–ի թիմի մասնակից։
2015 թ.–ի հունիսին ՌԴ նախագահ Վլադիմիր Պուտինն առաջարկեց ստեղծել հանրամատչելի մարզական ալիք, իսկ հուլիսի 15–ին «Մատչ ՏՎ»–ն ներառեց համառուսական, պարտադիր, հանրամատչելի հեռուստաալիքների և ռադիոալիքների ցանկում։ Նոր ալիքի հիմնադիրն ու սեփականատերը դարձավ «Գազպրոմ Մեդիան»։
«Մատչ ՏՎ»–ն պարտադիր կերպով հեռարձակվում է ՌԴ ողջ տարածքում։ «Ռոսիա 2»–ից «Մատչ ՏՎ»–ին փոխանցված անալոգային հեռարձակման ցանցն ընդգրկում է երկրի շուրջ 900 բնակավայր` ավելի քան 81 մլն լսարանով։
Հիմնադրման պահից հեռուստաալիքի գլխավոր պրոդյուսերն է հեռուստահաղորդավար, պրոդյուսեր և ՏՏ տեխնոլոգ Տինատին Կանդելակին։ Ալիքի կրեատիվ տնօրենն է «Դոմաշնի» հեռուստաալիքի նախկին գլխավոր տնօրեն Նատալիա Բիլանը։–0–