ԵՐԵՎԱՆ, 18 սեպտեմբերի. /Նովոստի-Արմենիա/. Աղջկա կյանքը ընդհատվել է անմիտ սխալի` անվտանգության կանոնների անտեսման պատճառով, ինչը, դժբախտաբար, այնքան էլ հազվադեպ երևույթ չէ:
Շաբաթ` սեպտեմբերի 14-ին, ՌԴ Կիրովի շրջանի 26-ամյա բնակչուհի Եվգենիա Շ.-ն որոշել էր լոգանք ընդունել` իր հետ լոգարան վերցնելով հեռախոսը: Աղջիկը դրել է հեռախոսը լիցքավորման և պառկել ջրով լցված վաննայի մեջ: Եվ այդ որոշումը ճակատագրային է դարձել նրա համար:
Ինչ-որ պահի Եվգենիայի հեռախոսը ձեռքից ընկել է ջրի մեջ: Ավելի ուշ աղջկան հայտնաբերել են նրա ծնողները, ովքեր եկել էին նրան այցելելու, գրում է МК-ն: Աղջիկը մահացել է հոսանքահարումից, նշվում է, որ ինքը մահացել է գրեթե ակնթարթորեն: Կիրովի շրջանի ՌԴ քննչական կոմիտեն ստուգում է սկսել աղջկա մահվան փաստի առնչությամբ, նշում է "Про город Киров"-ը:
Ըստ Facebook-յան էջում տարածված տեղեկատվության, Եվգենիան ավարտել է Վյատսկու պետական համալսարանի սոցիալ-տնտեսական ֆակուլտետը: Աղջիկը սիրում էր երեխաներին և կենդանիներին և պարբերաբար լուսանկարներ էր հրապարակում նրանց հետ: Նկարների մեջ կա նաև մի քանի սելֆի, որոնք կարող էին արված լինել այն հեռախոսով, որը և դարձավ աղջկա մահվան պատճառը: Հոկտեմբերին նա կդառնար 27 տարեկան:-0-