ԵՐԵՎԱՆ, 19 հուլիսի. /Նովոստի–Արմենիա/. Ռուսաստանի նախագահ Վլադիմիր Պուտինը կառավարության անդամներին պաղպաղակ է հյուրասիրել։ ՌԴ ղեկավարը, Ժուկովսկու միջազգային ավիացիոն տիեզերական ասալոն այցելության ընթացքում ավանդաբար պաղպաղակ է գնում։ Այս անգամն էլ բացառություն չի եղել։
Նախագահը մոտեցել է վրանին, որտեղ ռուսական արտադրության պաղպաղակի մեծ տեսականի էր ներկայացված։
Լուսանկարը` ՌԴ նախագահի մամուլի ծառայություն
Պուտինը տաղավարին է մոտեցել կառավարության և արդյունաբերական ձեռնարկությունների ղեկավարների ուղեկցությամբ, գրում է
ՏԱՍՍ–ը։
«Ինչո՞վ կհյուրասիրեք», – հետաքրքրվել է նա պաղպաղակ վաճառող աղջկանից։ Վաճառողուհին հակիրճ ներկայացրել է տեսականին։ Պուտինն ընտրել է 60 ռուբլանոց բաժակով պլոմբիր։ Նա վճարել է 1000 ռուբլի, վաճառողուհին սկսել է մանր փնտրել, սակայն Պուտինը որոշել է բոլորին հյուրասիրել։ Նա խնդրել է վաճառողուհուն մնացած գումարով պաղպաղակ հյուրասիրել իրեն ուղեկցող պաշտոնյաներին։
Լուսանկարը` ՌԴ նախագահի մամուլի ծառայություն
«Մեզ մոտ ցանկացողները շատ են»,– նկատել է «Ռոստեխի» ղեկավար Սերգեյ Չեմեզովը։
«Ստուգեք, կհերիքի՞»,–հարցրել է Պուտինը։ Վաճառողուհին պատասխանել է, որ կորցրել է հաշիվը։ Այդ ժամանակ Սերգեյ Չեմեզովը աղջկան է մեկնել 5000 ռուբլանոց թղթադրամ։ «Այս տարի ձեր շահույթը 80 միլիարդ է, կարող եք ձեզ թույլ տալ պաղպաղակ գնել»,– նրան է դիմել նախագահը։
Լրագրողները նախագահից հետաքրքրվել են, թե արդյո՞ք պաղպաղակը համեղ է, «Խորհուրդ եմ տալիս»,–ասել է նախագահը։ -0-