ԵՐԵՎԱՆ, 18 դեկտեմբերի. /Նովոստի-Արմենիա/. «Իրազեկ և պաշտպանված սպառող» հասարակական կազմակերպության կողմից իրականացվել է ուսումնասիրություն կաթնամթերքի շուկայում: Իրացման ցանցից նմուշառվել և փորձաքննության են հանձնվել կաթնամթերքի սպառման հիմնական շուկան ապահովող արտադրողների` «Աշտարակ կաթ» ՓԲԸ-ի, «Արզնի կաթ» ՍՊԸ-ի, «Բիոկաթ» ՍՊԸ-ի, «Բոնիլատ» ՍՊԸ-ի, «Դուստր Մարիաննա» ՍՊԸ-ի, «Թամարա և Անի» ՍՊԸ-ի, «Մարիլա» ՍՊԸ-ի և «Չանախ» ՍՊԸ –ի որոշ արտադրատեսակներ:
ՀԿ-ն ներկայացրել է հայտնաբերված խախտումները:
09.12.2016 թ.-ին արտադրված «Աշտարակ կաթ» ՓԲԸ-ի կաթնաշոռի (180գր) և թթվասերի (18% յուղ.) արտադրանքի նմուշները չէին համապատասխանում ԱՑԽՄ և խմորասնկերի ցուցանիշներով:
«Արզնի կաթ» ՍՊԸ-ի արտադրանքից պաստերացված կաթը (1լ., 3,2% յուղ., արտադրված 09.12.16 թ.) չէր համապատասխանում ԱՑԽՄ և ՄԱՖԱՄ ցուցանիշներով, կաթնաշոռը (9% յուղ., 180գ., արտադրված 09.12.2016 թ.) չէր համապատասխանում ԱՑԽՄ, խմորասնկերի և բորբոսասնկերի ցուցանիշներով, իսկ սերով թթվասերը (20% յուղ., 400գր, արտադրված 08.12.16 թ.) չէր համապատասխանում ԱՑԽՄ և խմորասնկերի ցուցանիշներով:
«Բիոկաթ» ՍՊԸ-ի արտադրանքից պաստերացվածկաթը (3,5% յուղ, 1լ., արտադրված 09.12.16 թ.) չէր համապատասխանում ԱՑԽՄ և ՄԱՖԱՄ ցուցանիշներով, իսկ կաթնաշոռը (15% յուղ., 150գ., արտադրված 10.12.2016 թ.) չէր համապատասխանում ԱՑԽՄ և խմորասնկերի ցուցանիշներով, թթվասերը (20% յուղ., 400գ., արտադրված 10.12.16 թ.)` ԱՑԽՄ և խմորասնկերի ցուցանիշներով:
«Բոնիլատ» ՍՊԸ-ի արտադրանքից պաստերացված կաթը (6% յուղ., 1լ., արտադրված 10.12.2016 թ.) չէր համապատասխանում ՄԱՖԱՄ ցուցանիշով, կաթնաշոռը (12% յուղ., 150գ., արտադրված 10.12.2016թ.)՝ ԱՑԽՄ և խմորասնկերի ցուցանիշներով, թթվասերը (20% յուղ., 400գ., արտադրված 10.12.16թ.)` ԱՑԽՄ ցուցանիշով:
«Դուստր Մարիաննա» ՍՊԸ-ից կաթնաշոռը (9% յուղ., 180գ., արտադրված 10.12.2016թ.) չէր համապատասխանում կաթնաթթվային մանրէների և խմորասնկերի ցուցանիշներով:
«Թամարա և Անի» ՍՊԸ-ի արտադրանքից կաթնաշոռը (9% յուղ., 200գ., արտադրված 09.12.2016թ.) չէր համապատասխանում ԱՑԽՄ և խմորասնկերի ցուցանիշներով:
«Մարիլա» ՍՊԸ-ի արտադրանքից կաթնաշոռը (9% յուղ., 200գ., արտադրված 10.12.2016թ.) չէր համապատասխանում կաթնաթթվային մանրէների և խմորասնկերի ցուցանիշներով:
«Չանախ» ՍՊԸ-ի արտադրանքից պաստերացված կաթը (3,2% յուղ., 1լ., արտադրված 10.12.2016 թ.) չէր համապատասխանում ՄԱՖԱՄ և ԱՑԽՄ ցուցանիշներով, հատիկային կաթնաշոռը (4% յուղ, 180գ., արտադրված 10.12.2016թ.)՝ ԱՑԽՄ, խմորասնկերի և բորբոսասնկերի ցուցանիշներով, թթվասերը (20% յուղ., 400գ., արտադրված 10.12.2016թ.)՝ ԱՑԽՄ և խմորասնկերի ցուցանիշներով:
«Հաշվի առնելով, որ նմուշառումն իրականացվել է սառնարաններից, որոնք ապահովել են պահպանման պայմանները, ինչպես նաև այն հանգամանքը, որ նմուշների տեղափոխումն իրականացվել է պատշաճ սառնարանային պայմաններում` կարելի է եզրակացնել, որ խնդիրներն առաջացել են արտադրության կամ իրացման ցանց տեղափոխման փուլերում», - նշվում է հաղորդագրության մեջ:
Հասարակական կազմակերպությունը կոչ է անում սպառողներին խուսափել վերոնշյալ արտադրանքի օգտագործումից, իրացնողներին` իրացման ցանցից դուրս բերել նշյալ խմբաքանակները, իսկ Սննդամթերքի անվտանգության պետական ծառայությանը` հետևողական լինել գործընթացին:
«Հայտնաբերված խախտումները փաստում են, որ նշված կաթնամթերքի սպառումը չի երաշխավորում սպառողների առողջության պաշտպանությունը և պարունակում է առողջական ռիսկեր», - նշվում է հաղորդագրության մեջ: -0-
