ԵՐԵՎԱՆ, 17 նոյեմբերի. /Նովոստի–Արմենիա/. ՌԴ Մուրմանսկի մարզի երկնքում կրակե գունդ է հայտնվել։
Դեռևս հայտնի չէ այդ տիեզերական մարմինը հասել է, արդյոք, Երկրի մակերևույթին, թե այրվել է մթնոլորտում։
Ականատեսները հրապարակել են միջադեպի մի քանի տեսանյութեր, գրում է
lenta.ru–ն։
Загружается новость ... "Лево"
«Այսօր (2017 թ.–ի նոյեմբերի 16, խմբագրություն) Մոսկվայի ժամանակով ժամը 19։40–ին Մուրմանսկի մարզի երկնքում երևացել է վառ երկնաքար։ Ըստ ցանցում հրապարակված տեսանյութերի`օբյեկտի թռիչքի տևողությունը կազմել է առնվազն 7 վայրկյան, իսկ թռիչքն ուղեկցվել է մի քանի վառ փայլատակումներով», – նշվում է ВКонтакте սոցցանցի խմբերից մեկում։
Օբյեկտի անկումը նկատել են նաև Ֆինլանդիայում, որտեղ կարծում են, որ դրա զանգվածը հասնում է մի քանի տասնյակ կիլոմետրի։ Մասնագետները նախատեսում են իրականացնել մոդելավորում, որը թույլ կտա որոշել երկնային մարմնի հստակ պարամետրերը։ Եթե օբյեկտը հասել է Երկիր մոլորակի մակերևույթին, ապա, ըստ Ֆինլանդիայի մասնագետների, այն ընկել է Ֆինլանդիայի հյուսիսում գտնվող Ինարիյարվի լճի մոտ։–0–