Երթևեկության կազմակերպման փոփոխություն՝ Երևանի Մանանդյան և Հ. Հովսեփյան փողոցների խաչմերուկում

ԵՐԵՎԱՆ, 5 մայիսի. /Նովոստի–Արմենիա/. Ճանապարհային ոստիկանությունը տեղեկացնում է, որ տրանսպորտային միջոցների և հետիոտների երթևեկության անվտանգության բարելավման նպատակով՝ 2017 թվականի մայիսի 7-ից Երևանի Մանանդյան և Հ. Հովսեփյան փողոցների խաչմերուկում կկատարվի երթևեկության կազմակերպման փոփոխություն:

Ինչպես հաղորդում է ՀՀ ոստիկանության մամուլի ծառայությունը, վերոնշյալ չկարգավորվող խաչմերուկում կտեղակայվի լուսացուցային օբյեկտ և այսուհետ նշված խաչմերուկով տրանսպորտային միջոցների և հետիոտների երթևեկության հերթականությունը կկարգավորվի լուսացույցի ազդանշաններով:–0–