Հայտնի է ռեփեր Տիմատիի Երևան գալու պատճառը

ԵՐԵՎԱՆ, 8 հունիսի. /Նովոստի-Արմենիա/. Հայտնի է ռուս ռեփեր Տիմատիի Երևան գալու ևս մեկ պատճառ, այս մասին գրում է «Հրապարակ» թերթը:

Հունիսի 8-ին Հանրապետության հրապարակում կկայանա երգչի անվճար համերգը:  

Աղբյուրի հաղորդմամբ`երեկ՝ հունիսի 7-ին, ռեփեր Տիմատին մի շարք այլ աստղերի հետ երգել է ԱԺ ՀՀԿ-ական պատգամավոր Արկադի Համբարձումյանի՝ «Դերժավայի Արկադի» կրտսեր դստեր՝ Սվետայի հարսանիքին։

Հարսանիքը կայացել է Գագիկ Ծառուկյանի «Փարավոն» ռեստորանում, նորապսակների քավորն էլ օլիգարխ Սամվել Ալեքսանյանն է:

«Տիմատին հատուկ մեկ օր առաջ է եկել այդ հարսանիքին երգելու համար, նա կատարել է մի քանի երգ»,-գրել է թերթը:

Մայիսի 12-ին ևս Տիմատին ժամանել էր Երևան, սակայն բեմ չէր բարձրացել` պատճառաբանելով տեխնիկական խնդիրներով:–0–