ԵՐԵՎԱՆ, 25 օգոստոսի. /Նովոստի-Արմեմենիա/. Ձեռնամարտի մարզիչ 48-ամյա Սերգեյ Կազարինովն արդեն երրորդ ամառ հեծանվավազք է կազմակերպում Ռուսաստանի սահմաններից դուրս:
Ինչպես հաղորդում է
Облгазета.ру–ն, նա առաջին ճանապարհորդությունը դեպի Հայաստան կատարել է 2014 թ–ին։
Загружается новость ...
"Право"
«Գնացինք չորսով` միայն տղամարդիկ. նման ուղևորությունների ժամանակ դիմացկուն և փորձառու մարդիկ են պետք։ Հեծանիվները փաթեթավորեցինք ծածկոցի մեջ։ Հետներս վերցրինք ուսապարկ, որի մեջ փոխնորդ սպիտակեղեն դրեցինք։ Օդանավակայանից դուրս գալով` նստեցինք հեծանիվ ու գնացինք։ Հազարավոր կիլոմետրեր` երկու շաբաթում», - նշել է Կազարինովը:
Նրա խոսքով, երթուղին նախօրոք են մշակել։ Քարտեզի վրա առաջին կետը Երևանն էր։ Հետո կապուտակ և վճիտ Սևանը, Գորիսը, Տաթևը, Ջերմուկը, Լեռնային Ղարաբաղը և նորից վերադարձ Երևան։
«Մենք գնում էինք լեռներով, առաջին լեռնանցքը հաղթահարել ենք երեք օր, շոգ էր, թթվածինը չէր բավարարում։ Երբեմն ստիպված էինք հեծանիվը մեր վրա տանել։ Ես հեծանվավազքի պատրաստություն չունեի, միայն ֆիզկուլտուրայով էի զբաղվել։ Երբեմն պատրաստ էի ամեն ինչ թողնել, բայց կամքի ուժ էի դրսևորում», - նշել է Կազարինովը:
Նա հիշում է, որ գիշերում էր դաշտում`վրաններում կամ տեղացիների տներում, ովքեր իրենք էին հրավիրում ճանապարհորդներին ։
«Կովկասցիների մոտ հյուրասիրությունն առաջին տեղում է։ Մենք հեծանվով ընթանում ենք քաղաքով` սպիտակամաշկ, սլավոնական արտաքինով։ «Հավանաբար ամերիկացիներ են»,– մտածում էին մեր մասին։ Իսկ երբ իմանում էին, որ ռուսներ ենք, շատ էին զարմանում. «Ինչպես թե ռուսներ եք, հյուր եկեք»,–հիշում է Կազարինովը։
Նա պատմել է, որ տանտերերը հրավիրում էին հարևաններին ու ընկերներին, կանայք սկսում էին կերակուր պատրաստել։
«Հայերը հարուստ չեն ապրում, սակայն միշտ ամենալավ բաներն են հյուրասիրում, բոլորը սեղանի շուրջ են նստում, և սկսվում է զրույցը։ Որքա՞ն եք վաստակում, ինչպե՞ս եք ապրում։ Հայերը շատ են հարգում Ռուսաստանը, այն համարում են իրենց ավագ քույրը»,– կարծում է Կազարինովը։
Նա նաև հեծանվավազք է կատարել Վրաստանում և Իսպանիայում։-0-
