Հայաստանում հանգստյան օրերին ձյան տեսքով տեղումներ են սպասվում

ԵՐԵՎԱՆ, 9 դեկտեմբերի. /Նովոստի–Արմենիա/. Հայաստանի մի շարք մարզերում և Երևանում թույլ ձյուն է կանխատեսվում։

Ինչպես հաղորդում է Հայպետհիդրոմետը, դեկտեմբերի 9–ին և 12–ին հանրապետության ողջ տարածքում սպասվում է առանց տեղումների եղանակ, իսկ դեկտեմբերի 10–ի երեկոյան, դեկտեմբերի 11–ին և 13–ին Շիրակում, Կոտայքում, Արագածոտնում, Արարատում, Արմավիրում, Վայոց Ձորում, ինչպես նաև Երևանում կանխատեսվում է թույլ ձյուն։

Քամին կլինի հյուսիս–արևմտյան` 3–8 մ/վ արագությամբ, դեկտեմբերի 9–ին առանձին շրջաններում հնարավոր է քամու ուժգնացում մինչև 20–25 մ/վ։

Օդի ջերմաստիճանը դեկտեմբերի 9–ին կնվազի 6–8 աստիճանով, իսկ դեկտեմբերի 10–12–ը հատկապես գիշերային ժամերին աստիճանաբար կբարձրանա 8–10 աստիճանով։

Երևանում ուրբաթ ցերեկային ժամերին օդի ջերմաստիճանը կտատանվի -1...+1 աստիճանի սահմանում, շաբաթ օրը մի փոքր կտաքանա` կազմելով +1...+3 աստիճան, իսկ հետագա երեք օրերի ընթացքում աստիճանաբար կբարձրանա` հասնելով +3...+5 աստիճանի։–0–