ԵՐԵՎԱՆ, 28 մայիսի․ /Նովոստի Արմենիա/․ Սարդարապատի, Բաշ Ապարանի եւ Ղարաքիլիսայի ճակատամարտերում քաջ հայորդիների սխրանքն ապացուցեց, որ հայը կարող է խուսափել կոտորածից, երբ հավատում է սեփական ուժերին, երբ զենք է վերցնում և պաշտպանում սեփական հողը, երբ միասնական է ու հաստատակամ: Այդ մասին նշվում է Արցախի Հանրապետության նախագահ Բակո Սահակյանի մայիսի 28-ին տարածած շնորհավորական ուղերձում Հայաստանի Առաջին Հանրապետության օրվա առթիվ:
Загружается новость ... "Лево"
«1918 թվականի մայիսյան հաղթանակները դարձան հայոց պետականության վերականգնման սկիզբը: Դարեր շարունակ հայ ժողովուրդը ենթարկվել է բռնությունների ու կոտորածների, անցել է բազում փորձությունների միջով, քանի որ չուներ պետականություն, ապրում էր օտարի լծի տակ», - նշվում է հաղորդագրությունում։
«Մայր Հայաստանը, Արցախն ու Սփյուռքը, միշտ վառ պահելով 1918-ի հերոսամարտերի ոգին, շարունակում են համատեղ ջանքերով պաշտպանել, զորացնել ու զարգացնել հայկական երկու հանրապետությունները, որպեսզի շենանա հայկական հողը և հայ ժողովրդի ապագան լինի հուսալի ու պայծառ», - նժել է նա:
Բակո Սահակյանը մաղթել է հայ ժողովուրդին խաղաղություն, բարօրություն ու ամենայն բարիք:-0-
