ԵՐԵՎԱՆ, 11 հուլիսի. /Նովոստի–Արմենիա/. Արցախից Երևան տեղափոխված զինծառայողներից մեկը վերակենդանացման բաժանմունքում է, «Նովոստի–Արմենիա» գործակալությանն ասաց ՀՀ պաշտպանության նախարարության մամուլի քարտուղար Արծրուն Հովհաննիսյանը։
Загружается новость ... "Лево"
Հիշեցնենք, որ հակառակորդը հուլիսի 7–ին արցախա-ադրբեջանական հակամարտ զորքերի շփման գծում խախտել է հրադադարի պահպանման ռեժիմը՝ օգտագործելով ինչպես հրաձգային զինատեսակներ, այնպես էլ Դ-30 և Դ-44 տիպի հրանոթներ, տարբեր տրամաչափի ականանետեր ու նռնականետեր:
Ադրբեջանական զինուժի արկակոծության հետևանքով տարբեր աստիճանի բեկորային վիրավորումներ են ստացել ՊԲ զինծառայողներ Ռոբերտ Նովրուզի Գասպարյանը (ծնվ. 1969թ.), Համբարձում Կարապետի Հարությունյանը (ծնվ. 1997թ.) և Վահե Գագիկի Բադալյանը (ծնվ. 1998թ.):
Հակառակորդի նախահարձակ ակտիվությունը ճնշելու համար ՊԲ առաջապահ զորամասերն իրականացրել են պատասխան գործողություններ:
Արցախից Երևանի «Մուրացան» հոսպիտալ է տեղափոխվել երկու զինծառայող։ Նրանցից մեկը վերակենդանացման բաժանմունքում է, վիճակը ծանր է, բայց կայուն, իսկ երկրորդն արդեն տեղափոխվել է հիվանդասենյակ։
«Հիվանդասենյակում գտնվող զինծառայողի վիճակը գնահատվում է միջին ծանրության։ Ընդհանուր առմամբ կարելի է ասել, որ երկու զինծառայողների վիճակը կայուն է», – տեղեկացրեց Հովհաննիսյանը։–0–
