ԵՐԵՎԱՆ, 19 մարտի. /Նովոստի–Արմենիա/. Նախօրեին Եղվարդի խճուղում վթարի է ենթարկվել «Ֆուլ հաուս» սերիալի դերասան Գարիկ Սեփխանյանը, ով մարմնավորում է «բարմեն Ռուբո»–ի կերպարը։
Загружается новость ... "Лево"
Ինչպես հաղորդել էինք ավելի վաղ, մարտի 18–ին ժամը 16:00-ի սահմաններում Եղվարդի խճուղում բախվել են Mercedes մակնիշի և Infiniti մակնիշի ավտոմեքենաները: Վթարի հետևանքով 2 մարդ տեղափոխվել է «Արմենիա» բժշկական կենտրոն: Կայքի հաղորդմամբ, Mercedes-ը վարել է 35-ամյա Գարիկ Սեփխանյանը, Infiniti-ն վարել է 34-ամյա Լենդրուշ Հակոբյանը:
Այս կապակցությամբ Սեփխանյանը գրառում է կատարել Facebook–յան իր էջում։
Իմ շատ սիրելի երկրպագուներ և հարգելի հետաքրքրասերներ, այսօր փոքր անզգուշության հետևանքով վթարի եմ ենթարկվել, ինչի հետրանքով ստացել եմ թեթև վնասվածք: Այժմ հիվանդանոցում եմ և փառք Աստծո, ինձ լավ եմ զգում: Պետք է ասեմ, որ ամեն ինչ այդքան էլ սարսափելի չէ։ Հիվանդանոցում բժիշկները հոգատար են, ինչի համար շատ շնորհակալ եմ», – նշել է Սեփխանյանը։
Դերասանին այցելության են եկել նրա ընկերները։ Դերասան Անդրանիկ Հարությունյանը լուսանկար է հրապարակել Facebook-յան իր էջում։ Նա նշել է, որ Գարիկի հետ ամեն բան նորմալ է և մաղթել է առողջություն։–0–
