Երիտասարդ հայը կիթառ է նվագում Նյու Յորքի մետրոյում և վաստակած գումարը բաժանում կարիքավորներին (ՏԵՍԱՆՈՅՒԹ)

ԵՐԵՎԱՆ, 14 մարտի. /Նովոստի-Արմենիա/. Երիտասարդ հայ Ուիլլ Բոյաջյանը նվագում է Նյու Յուրքի մետրոյում` բաժանելով վաստակած գումարը անտուն մարդկանց:

Բոյաջյանի առջև պաստառ է փակցված, որի վրա գրված է. «Եթե դուք անտուն եք կամ օգնության կարիք ունեք, վերցրեք այնքան, որքան ձեզ պետք է: Ես ուղղակի սիրում եմ նվագել»:

«Վերցրեք ամբողջը», - ասում է երիտասարդը երեխայի հետ անցնող կնոջը: «Ես այնքան հոգնած եմ. ապրում եմ մեկ օրով», - ասել է կինը` ի պատասխան երիտասարդի արարքին, հաղորդվում է Fusion-ի Facebook-յան էջին:

Բոյաջյանի խոսքով, նա օրական մոտ 400 դոլար է աշխատում` ամբողջը տալով կարիքավորներին: «Կարծում եմ, որ այն, ինչ նա անում է օրհնություն է: Ես եղել եմ նման իրավիճակում, անտուն եմ եղել», - ասել է անցորդներից մեկը: -0-