Կալիֆոռնիայի համալսարանի հայ ուսանողները չեղարկել են Աթաթուրքի մասին դասախոսությունը (ՏԵՍԱՆՅՈՒԹ)

ԵՐԵՎԱՆ, 12 նոյեմբերի. /Նովոստի-Արմենիա/. Կալիֆոռնիայի Նորթրիջի պետական համալսարանի (CSUN) հայ ուսանողները կարողացել են չեղարկել Մուսթաֆա Քեմալ Աթաթուրքի մասին նախատեսված դասախոսությունը՝ ներկայացնելով վերջինիս կողմից Թուրքիայում ազգային փոքրամասնությունների ցեղասպանության կազմակերպման պատմական ապացույցները, Facebook-յան իր էջում հաղորդում է Հայաստանի երիտասարդական ֆեդերացիան:

Դասախոսությունը նախատեսվում էր Հարավային Կալիֆոռնիայում «Աթաթուրքի շաբաթվա» շրջանակում (նոյեմբերի 9-13):

Ուսանողները մեջքով կանգնել են դեպի դասախոսը և սկսել վանկարկել. «Թուրքիան մեղավոր է Ցեղասպանության մեջ» և «Դուք ժխտում եք Ցեղասպանությունը»:

 «Մեր ներկայությունը այդ միջոցառումներին ազդանշան կլինի թուրքական հանրությանը, որ քոլեջի և համալսարանի տարածքը (ցեղասապանության) ժխտման ինկուբատոր չեն: Քոլեջի տարածքը ազգային գաղափարախոսության քարոզման համար օգտագործելը վիրավորում է հայ ուսանողներին», - նշվում է հաղորդագրության մեջ: -0-