ԵՐԵՎԱՆ, 20 մարտի. /Նովոստի-Արմենիա/. Ծննդաբերությունից հետո նախկին կազմվածքը վերադարձնելը հեշտ չէ, հատկապես եթե կինը գիրանալու հակում ունի: Բոլորը ցանկանում են լինել գեղեցիկ, բարեկազմ` անկախ պայմաններից, սակայն դա առավել ակտուալ է, երբ խոսքը գնում է աստղերի մասին:
Քիմ Քարդաշյանի դիետան
Վերջերս ավելորդ քաշի հետ խնդիր ունեցել է Քիմ Քարդաշյանը, ով հղիության ժամանակ գիրացել է 27 կգ-ով, սակայն համառության և ճիշտ սնվելու շնորհիվ նրան հաջողվել է ընդամենը 3 ամսում նիհարել 19 կգ-ով, հաղորդում է
pomada.cc-ն:
Աստղի սննդի գաղտնիքների մասին պատմել է Քարդաշյանի դիետոլոգը:
Քիմ Քարդաշյանի նիհարելու գաղտնիքները
Պարզվում է, Քիմ Քարդաշյանը հետևում է Ատկինսի դիոտային, որի գլխավոր սկզբունքը ածխաջրերի օգտագործման սահմանափակումն է: Աստղը առաջին անգամը չէ, որ օգտվում է այս դիետայից: Հայրը նրան խորհուրդ է տվել այս դիետան, երբ նա դեռ քոլեջում էր: Հագեցածության համար Քիմը ամեն անգամ սնվելիս օգտագործում է սպիտակուցներով հարուստ սննդամթերք (ձուկ, հավ, կարմիր միս, ձու):
Դիետան նախատեսում է սննդակարգից պանրի բացառում, սակայն աստղի դիետան այդուհանդերձ թույլ է տալիս Քիմին պանիր ուտել, սակայն սահմանափակմամբ` օրական 100 գր պինդ պանրից ոչ ավել: Բացի այդ, Քարդաշյանին թույլատրվում է ուտել մի փոքր թթվասեր և կարագ:
Քիմի օրական նորման 1800 կալորիան է: Կարող է թվալ, որ դա շատ է, սակայն կրծքով կերակրող մոր համար, ցածր կալորիականությամբ դիետաները արգելված են:
Աստղին արգելվում է ուտել կոնֆետ, թխվածքաբլիթներ, շաքար, կրեկեր, սպիտակ բրինձ և սպիտակ ալյուր: Քիմի դիետոլոգը ասում է, որ, այս կանոններին հետևելով, Քիմը օրական նիհարում է 900 գրամ: Սա կրծքով կերակրող մոր համար ամենաօպտիմալ տարբերակն է: -0-