«ԱՅԳ» հոգեբանական կենտրոնի ղեկավարը մահացավ. նրան դանակահարել էին

ԵՐԵՎԱՆ, 20 հուլիսի. /Նովոստի–Արմենիա/. Այսօր առավոտյան հիվանդանոցում մահացել է «ԱՅԳ» հոգեբանական կենտրոնի ղեկավար Ռուբեն Պողոսյանը։

Հիշեցնենք, որ հուլիսի 17-ին Ռուբեն Պողոսյանը հոսպիտալացվել է «դեմքի կտրած վերք, բազմաթիվ վերքեր, արյունահոսություն» ախտորոշմամբ։

Ինչպես հաղորդում է armtimes.com–ը, հղում անելով «Հերացի» թիվ 1 հիվանդանոցին, հայտնի հոգեբան Ռուբեն Պողոսյանը մահացել է այսօր լուսադեմին։

«Ծայրահեղ ծանր վիճակում գտնվող Ռ. Պ.-ն այսօր լուսադեմին մահացել է կրկնակի ծանր ինֆարկտի զարգացման և կարդիոգեն շոկի հետևանքով», – հայտնել են հիվանդանոցից։–0–