ԵՐԵՎԱՆ, 5 դեկտեմբերի. /Նովոստի-Արմենիա/. ՀՀ ԱԺ խոսնակ Գալուստ Սահակյանը երկուշաբթի խորհրդարանում հայտարարեց, որ չի բացառում կրթական հաստատություններում վաղաժամ արձակուրդների հնարավորությունը:
Պատասխանելով պատգամավորի այն հարցին, որ երկրում վերջին շաբաթներում նկատվում է ինֆեկցիոն հիվանդությունների աճ նախադպրոցական և դպրոցական տարիքի երեխաների շրջանում, ինչը հանգեցրել է հիվանդանոցների գերծանրաբեռնվածության` խոսնակը նշեց, որ այդ հարցը օրակարգում է:
«Մենք զբաղվում ենք այդ հարցով, և կարծում եմ, որ այսօր այն կքննարկենք, քանի որ մի քանի օր առաջ Առողջապահության նախարարությունը չգնաց այդ քայլին և Կրթության նախարարությունը չկարողացավ արձակուրդ հայտարարել: Կարծում եմ, որ այսօր նորից կվերադառնանք այդ հարցին», - ասաց Սահակյանը:
Ընդ որում, նա նշեց, որ դպրոցներում և մանկապարտեզներում իրականացվում է լիարժեք բժշկական վերահսկողություն և հիվանդությունների հայտնաբերման կամ նույնիսկ վատ զգալու դեպքում երեխաներին տուն են ուղարկում:
Խոսնակը հիշեցրեց, որ դպրոցներում և մանկապարտեզներում արձակուրդ հայտարարելու համար ԱՆ-ն պետք է ինֆոկցիոն հիվանդությունների աճի եզրակացություն ներկայացնի, որպեսզի Կրթության նախարարությունը արձակուրդ հայտարարելու մասին որոշում կայացնի:
ԱՆ-ն նախորդ ուրբաթ հայտնեց, որ ամենօրյա մոնիթորինգի արդյունքները վկայում են, որ Հայաստանում ՍՇՎ-ի դեպքերի աճի միտում չկա: Կանխարգելիչ ֆիլտրի արդյունքում նկատվում է ՍՇՎ-ի դեպքերի նվազման միտում, նվազել են նաև հիվանդության պատճառով բացակայությունները:
Հայաստանի նախադպրոցական հաստատություններում և դպրոցներում կիրառվել է «խանխարգելիչ ֆիլտր»` ՍՇՎ-ի և գրիպի հետագա տարածման կանխարգելման նպատակով: Բացահայտվել են և տուն են ուղարկվել 1000-ից ավելի հիվանդ երեխաներ: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում