ԵՐԵՎԱՆ, 20 հուլիսի. /Նովոստի–Արմենիա/. Սուպերմոդել և բարերար Նատալյա Վոդյանովան միացել է PicsArt աշխարհի խոշորագույն ֆոտոխմբագրման և ստեղծարար սոցիալական ցանցի թիմին։
PicsArt –ը լայն հնարավորություններով հայտնի գրաֆիկական խմբագիր է, որը մշակվել է
հայկական թիմի կողմից 2011 թվականին։
Ինչպես հայտնեցին ընկերության մամուլի ծառայությունից, թրպես Նվաճումների տնօրեն՝ Նատալյան ստեղծարար միջոցներով զարգացման նոր հնարավորություններ կառաջարկի և կոգեշնչի PicsArt համայնքին։ Նատալյա Վոդյանովան ընդգրկվել է նաև PicsArt-ի խորհրդատվական խորհրդի կազմում։
Ինչպես հայտնել է PicsArt ընկերության գլխավոր գործադիր տնօրեն Հովհաննես Ավոյանը, թիմն ուրախ է ողջունել տաղանդավոր և օրինակելի Նատալյային մեր ընտանիքում։
«Նատալյան տարիներ շարունակ ոգեշնչում է աշխարհին իր նորաձևության և սոցիալական գործունեությամբ: Նա նորաձևության և բարեգործության ասպարեզում տարիների իր հարուստ փորձը կհամադրի PicsArt-ի ամսական 90 միլիոն ակտիվ օգտատեր ունեցող համայնքի ստեղծարարության հետ»,– նշել է նա։
Նատալյա Վոդյանովայի նոր դերը նրա սոցիալական ակտիվության տրամաբանական շարունակությունն է, որը համընկնում է PicsArt-ի առաքելության հետ՝ ստեղծել իմաստալից ու միաժամանակ գեղեցիկ նկարներ։ Ավելին, Վոդյանովան ստեղծագործականությունը դիտարկում է որպես հզոր ու համախմբող գործիք, որը կոչված է ուրախ և գրավիչ ձևով մարդկանց միավորել սոցիալական խնդիրների շուրջ: Նատալյան հիմնադրել է Elbi բարեգործական թվային հարթակը, որը բարեգործական միջոցներ ներգրավելու առաքելություն ունի եւ միաժամանակ խրախուսում է օգտատերերի ստեղծարար ակտիվությունը բարեգործական միջոցառումներում։
«Ես ոգևորված եմ լինել այն համայնքի մասնիկը, որտեղ միլիոնավոր մարդիկ համախմբված են համատեղ ստեղծագործելու ու նկարներով կիսվելու գաղափարի շուրջ»,– ասել է Վոդյանովան։
Նա նշել է, որ PicsArt-ի օգտատերերը համատեղ օրական ստեղծում են միլիոնավոր նկարներ, որն ավելի գնահատելի է, քան սոցիալական ցանցերում զուտ նկարներ թերթելն ու հավանելը։
«Այստեղ ես հստակ տեսնում եմ հանրության ուշադրությունը կարեւոր սոցիալական խնդիրների շուրջ համախմբելու հնարավորությունը», նշել է Նատալյա Վոդյանովան: «Ես միանում եմ PicsArt-ին, քանի որ հավատում եմ, որ մարդիկ առավել ստեղծարար են, երբ ունեն ինքնաարտահայտման ազատություն ու կարեւոր առաքելություն, որի համար էլ ստեղծագործում են», – ավելացրել է Վոդյանովան։
Загружается новость ...
"Право"
Նախորդ տարի Նատալյան մասնակցել է PicsArt-ի #TreeOfLife կրծքով կերակրման խրախուսական նախաձեռնությանը, որը շատ արագ տարածվել էր ու մեծ աղմուկ ստեղծել համացանցում։ Նատալյան և տասնյակ հազար այլ մայրեր կրծքով կերակրման նկարները վերածեցին արվեստի գործերի ու տարածեցին համացանում:
Այսօրվանից սկսած կարելի է միանալ և հետևել Նատալյայի PicsArt-ի էջին՝ picsart.com/natasupernova, որի միջոցով Վոդյանովան պատրաստվում է իր երկրպագուների ու PicsArt համայնքի համար պարբերաբար ստեղծարարական ֆլեշմոբեր և մրցույթներ կազմակերպել: Այժմ Նատալյան առաջարկում է օգտվել PicsArt-ի իր էջում գտնվող ոգեշնչող սթիկերներից, որոնք անվճար հասանելի են օգտագործման ու վերախմբագրման համար։
PicsArt –ը լուսանկարների խմբագրման առաջատար հավելված է և ստեղծարար մարդկանց սոցցանց։ PicsArt–ի օգնությամբ կարելի է խմբագրել և մշակել պատկերներ, ինչպես նաև մասնակցել լուսանկարների ռեմիքսների և բազմաթիվ ստեղծարար մրցումների։
Հավելվածում հասանելի է խմբագրման ավելի քան 3 հազար գործիք, հատուկ ֆոտոէֆեկտներ և խմբագրման ավելի քան 10 մլն լուսանկարներ` ներառյալ ավելի քան 1 մլն ստիկերներ, ինչը
PicsArt–ը դարձնում է բաց հասանելիությամբ լուսանկարների խոշորագույն պահոց։ Հավելվածը բեռնվել է ավելի քան 400 մլն անգամ և ամսական ավելի քան 90 մլն օգտատերեր օգտվում են PicsArt–ից։ Հավելվածը հասանելի է աշխարհի 20 լեզուներով։ Հավելվածն անվճար հասանելի է iOS–ի, Android–ի և Windows–ի օգտատերերի համար։ --0—
