ԵՐԵՎԱՆ, 10 փետրվարի. /Նովոստի-Արմենիա/. iFixit-ի փորձագետները հերքել են այն պնդումը, թե բրինձն օգնում է վերականգնել սմարթֆոնի աշխատունակությունը, եթե կորպուսի մեջ ջուր է հայտնվել, գրում է
Life.ru-ն։
Հայտնի է դարձել, որ բրինձը և հնդկաձավարը կարող են անգամ վնասել սարքը։ Մայրական սալիկը փորձել են չորացնել բրնձի միջոցով։ Արդյունքում, հեռախոսի մեջի միացումներն այնքան էին վնասվել, որ անգամ վերանորոգման ենթակա չէին։
Եթե սմարթֆոնի մեջ ջուր է լցվել, անհրաժեշտ է առաջին հերթին չորացնել այն։ Այստեղ չի կարելի հապաղել։ Մի քանի ժամ բրնձի մեջ պահելը միայն կվնասի սմարթֆոնը։
Անգամ եթե ձեզ հաջողվի բրնձի միջոցով վերականգնել սմարթֆոնի աշխատանքը, ապա դա երկար չի տևի։ Կարճ ժամանակ անց այն վերջնականապես շարքից դուրս կգա։-0-