480.39
+0.17
536.6
+0.48
8.07
+0.03
+29
Եղանակը Երևանում
Հայ
Հայաստանը շարունակում է աշխատանքը ՏՏ ոլորտում բիզնես վարելը դյուրացնելու ուղղությամբ. Սարգսյան
21:34
01 Ապրիլի 2015

ԵՐԵՎԱՆ, 1 ապրիլի. /Նովոստի-Արմենիա/. Երևանը շարունակում է աշխատանքը ՏՏ ոլորտում բիզնես վարելը դյուրացնելու ուղղությամբ, երեքշաբթի ասաց Հայաստանի նախագահի աշխատակազմի ղեկավար Վիգեն Սարգսյանը տեղեկատվական տեխնոլոգիաների բնագավառում ռուսական և հայկական առաջատար ընկերությունների ներկայացուցիչների հանդիպմանը, որն անցել է «Այբ» ավագ դպրոցում։

Ռուսական ընկերությունների ներկայացուցիչները Հայաստանում են Ռուսաստանի Համակարգչային և ինֆորմացիոն տեխնոլոգիաների ձեռնարկությունների ասոցիացիայի «IT-SUMMIT 2015։Ինդուստրիայի առաջատարների հանդիպումը» թեմայով միջոցառմանը մասնակցելու համար, որն անցկացվում է մայրաքաղաքում ապրիլի 1-3–ը։ Ապրիլի 1–ին «Այբ» ավագ դպրոցում քննարկվել են նոր սերնդի մասնագետների ձևավորման և «ուղեղի արտահոսքի» խնդրին վերաբերող հարցեր։

«Մենք տեղեկատվական տեխնոլոգիաների ոլորտին հատուկ նշանակություն ենք տալիս։ Հպարտ ենք, որ վերջին տարիներին այն լուրջ տեմպերով է աճում, որ պահանջված երիտասարդություն կա, բազմաթիվ բուհեր կոնկրետ ծրագիր ունեն։ Մենք շարունակում ենք ուսումնասիրել ՏՏ ոլորտում բիզնես վարելու հնարավորությունների դյուրացումը, կապ ենք տեսնում բիզնեսի և ուսումնական հաստատությունների միջև»,– ասաց Սարգսյանը։

Ըստ նրա` Հայաստանը շատ սերտ գործակցում է ռուսական ընկերությունների հետ, փոխգործակցության մեծ ներուժ և հաջող փորձ կա։

«Այբ» դպրոցի տնօրեն և ABBYY ընկերության փոխտնօրեն Արամ Փախչանյանն իր հերթին «ԱՌԿԱ» գործակալության հետ զրույցում նշեց, որ հանդիպման հիմնական նպատակը ռուս գործընկերներին միջազգային չափանիշներին համապատասխան ժամանակակից դպրոցի կառուցման հայկական փորձը և լավագույն օրինակները ցույց տալն է։

«Այդ իմաստով մեզ համար հետաքրքիր է այստեղ լինել, իսկ դպրոցին կարևոր է նրանց այցը, քանի որ ռուսական ընկերությունները հայտնի են ՏՏ ոլորտում և մեծ հաջողությունների են հասել»,– ասաց Փախչանյանը։

Նրա խոսքով` հայկական և ռուսական ընկերությունները կփորձեն գործակցություն հաստատել, իսկ հետագայում նա սպասում է, որ «Այբ»–ի աշակերտները կաշխատեն այդ կազմակերպություններում։

«Այդ շփումները շարունակական կլինեն։ Այդ միջոցառման շրջանակում կանցկացվեն նաև համապատասխան միջոցառումներ, որոնց արդյունքները պարզ կլինեն դրանց ավարտից հետո»,– ասաց Փախչանյանը։

Հանդիպմանը ներկա էին մոտ 100 ՏՏ ընկերությունների, այդ թվում` Yandex, 1C, HUAWEI, Samsung, Dell, Acer, Siemens, IBM, Fujitsu, GfK –ի ղեկավարներ և ներկայացուցիչներ։

Համաժողովի նպատակն է ամփոփել ՏՏ–տարվա, ՏՏ–ձմեռվա արդյունքները, քննարկել ՏՏ բիզնեսի հեռանկարները նոր պայմաններում, տեղեկատվական տեխնոլոգիաների ոլորտի օժանդակության հայկական և ռուսական քայլերի արդյունավետությունը, ՏՏ բիզնեսի փոխներթափանցման հեռանկարները, կադրային և այլ հարցերի լուծման փորձը։

Հանդիպմանը կքննարկվեն, մասնավորապես, Ռուսաստանում և Հայաստանում համաշխարհային միտումների ֆոնին տեղեկատվական տեխնոլոգիաների շուկայի զարգացման արդյունքներն ու հեռանկարները, վերլուծական ընկերությունների և շուկայի մասնակիցների մոտեցումները, վերլուծությունը, կանխատեսումները, ներմուծման փոխարինման խնդիրները, տեխնոլոգիաների փոխանցումը, ինտեգրումը համաշխարհային շուկայում, պետական հատվածի հետ հարաբերությունները։

Ծրագրվում է նաև քննարկել Ռուսաստանում և Հայաստանում մատակարարման զարգացումը, ծավալների կանխատեսումը, ինքնակարգավորումը, վենդորների հետ հարաբերությունը, ներթափանցման հեռանկարները և այլ հարցեր։ -0-

Loading...
Թեմատիկ նյութեր
Բաժնի այլ նյութեր
17:08
24 Հունիսի 2017
Չի բացառվում երկրորդ Մարսի գոյությունն Արեգակնային համակարգում
Արիզոնայի համալսարանի աստղագետները հավանական են համարում Արեգակնային համակարգում տասներորդ մոլորակի գոյությունը:
19:58
18 Հունիսի 2017
Apple–ը նոր iPhone-ների զանգվածային արտադրություն է սկսել
iPhone–ների շնորհանդեսը նախատեսվում է այս տարվա աշնանը։
18:38
18 Հունիսի 2017
Facebook–յան մեկնաբանություններում արդեն կարելի է GIF օգտագործել
Facebook–ի թիմը նշել է GIF ֆայլային ֆորմատի 30-ամյակը։
15:57
18 Հունիսի 2017
Հաստատվել է, որ աստղերը զույգերով են ձևավորվում
Բերկլիի և Հարվարդի համալսարանի աստղագետներն ու ֆիզիկոսները դիտարկումներ և հաշվարկներ են անցկացրել:
14:25
18 Հունիսի 2017
Գեր կանայք ավելի հաճախ են արատներով երեխաներ ունենում
Այն կանայք, ովքեր բեղմնավորման պահին ավելորդ քաշ ունեն, արատներով երեխա ունենալու ավելի մեծ ռիսկի են ենթարկվում:
18:04
17 Հունիսի 2017
Դարաշրջանի ավարտ. Yahoo!–ն այլևս գոյություն չունի
Հունիսի 16–ից ընկերությունը վերանվանվել է և կոչվում է Altaba Inc.։
16:49
11 Հունիսի 2017
Երեխաները զանազանում են դեմքերը դեռ մինչև ծնվելը
Երեխաներն ընդունակ են տարբերել դեմքերը մինչև ծնվելը:
16:51
10 Հունիսի 2017
Հավկիթները ևս մեկ օգտակար հատկություն ունեն
Ամերիկացի բժիշկները հայտնաբերել են հավկիթների նոր օգտակար հատկությունը:
15:49
10 Հունիսի 2017
Քաղցկեղային բջիջները միմյանց փոխանցում են դեղորայքակայունությունը
Գիտնականները բացահայտել են քաղցկեղային բջիջների հաղորդակցման և միջբջջային տեղեկատվության փոխանակության բացառիկ ձևը։
17:03
06 Հունիսի 2017
Անվճար պանիր միայն թակարդում. ավիատոմսեր տարածող վիրուսը խաբեց նաև հայ օգտատերերին
Ցանցում անհատական անվտանգության համար կա մի քանի կանոն, որոնց հետևելով կարելի է խուսափել վիրուսներից։
20:10
04 Հունիսի 2017
Apple-ը նոր պրոդուկտ կներկայացնի
Apple-ը սկսել է աշխատել նոր պրոդուկտի վրա:
17:39
04 Հունիսի 2017
Վերծանվել է եգիպտական մումիաների գենը
Մինչև վերջերս, հետազոտողներին չէր հաջողվում ուսումնասիրել եգիպտական մումիաների գենը: