480.55
-0.63
569.26
-2.38
8.24
+0.02
+6
Եղանակը Երևանում
Հայ
ՀՀ Արագածոտնի մարզում արքայական դամբարանի պեղումները կսկսվեն առաջիկայում
16:12
10 Փետրվարի 2015

ԵՐԵՎԱՆ, 10 փետրվարի. /Նովոստի–Արմենիա/. Հայաստանի Արագածոտնի մարզի Աղցք գյուղում արքայական դամբարանի պեղումները կսկսվեն առաջիկայում, երեքշաբթի լրագրողներին ասաց Մշակույթի նախարարության պատմամշակութային ժառանգության գիտահետազոտական կենտրոնի փոխտնօրեն Հակոբ Սիմոնյանը։

«Հայաստանում հնագիտական պեղումները մեծ թափ են հավաքում։ Ամեն տարի մեր երկրում աշխատանքներ են տարվում մշակույթի շուրջ 50-60 հուշարձանների տարածքում։ Բայց Աղցքի պեղումները բացառիկ են, քանի որ դրանք ունեն ինչպես պետական, այնպես էլ մշակութային նշանակություն։ Այստեղի դամբարանը վաղ միջնադարի միակ հուշարձանն է, որը հստակ պատմագրություն ունի։ Այն հիշատակվել է հայ մեծ պատմաբանների` Մովսես Խորենացու, Փավստոս Բյուզանդի աշխատություններում»,– նշեց Սիմոնյանը։

Նա ավելացրեց, որ այդ դամբարանի պատմությունը բավականին դրամատիկ է` պարսից արքա Շապուհը ներթափանցել է Անիի ամրոց, քանդել արքայական դամբարանները և հափշտակել այնտեղ պահվող անհաշվելի գանձերն ու արքայական աճյունները։ Հայկական բանակը` սպարապետ Վասակ Մամիկոնյանի գլխավորությամբ, հետապնդելով պարսից բանակին, պարտության է մատնել նրան` վերադարձնելով առևանգածը։

«Միջնադարի պատմաբանները պատմում են, որ հայ և հեթանոս արքաների աճյունները խառնելու պատճառով նրանց չի հաջողվել հուղարկավորել Էջմիածնի տաճարում, հենց այդ պատճառով Արագած լեռան ստորոտին նոր դամբարան է կառուցվել»,– ասաց Սիմոնյանը։

Նրա խոսքով` ենթադրվում է, որ Աղցքի դամբարանում հուղարկավորվել են Արշակունիների ( I—V դդ.) և Արտաշեսյանների (մ.թ.ա. II դար– մ.թ. I դար) արքաների աճյունները, քանի որ Մովսես Խորենացու ձեռագրերում հիշատակվում է, որ այնտեղ թաղվել են «մեր բնիկ իշխանավորները»։

Սիմոնյանն ավելացրեց, որ Աղցքի դամբարանը միշտ եղել է համընդհանուր ուշադրության կենտրոնում, և, վերջիվերջո, Հայաստանի Ազգային ժողովում բարձրացվել է մշակույթի այդ հուշարձանի պահպանման հարցը, քանի որ այն բավականին անմխիթար վիճակում է։

«Նախորդ տարի Հայաստանի վարչապետ Հովիկ Աբրահամյանը ժամանել էր Աղցք, և տեղում որոշվել է Աղցքի դամբարանի պեղումների պետական ծրագիր մշակել»,– նշեց Սիմոնյանը։

Փորձագետը նշեց, որ առաջին անգամ դամբարանի պեղումները կատարվել են իր գլխավորությամբ դեռ 1974 թվականին։

«Մենք ծրագրում ենք սկսել, հենց եղանակային պայմանները մի փոքր լավանան, քանի որ մենք կցանկանայինք որոշ աշխատանքներ ավարտել մինչև ապրիլի 24–ը, որպեսզի Հայոց ցեղասպանության 100–ամյա տարելիցին ժամանած արտասահմանյան պատվիրակությունները կարողանան այցելել այս մեծ պատմամշակութային հուշարձան»,– ավելացրեց Սիմոնյանը։

Պեղումների ծրագիրը նախատեսված է երեք տարվա համար։ Հնագիտական աշխատանքների համար պետությունը հատկացրել է 50 մլն դրամ (104 հազ դոլար)։ Առաջին տարում ծրագրվում է ծախսել 17 մլն դրամ (35 հազ դոլար)։

Պեղումներից հետո երկրորդ փուլը հուշարձանը վերականգնելն է, ինչպես նաև` այդ տարածքում թանգարան հիմնելը։ «Բոլոր աշխատանքների ավարտից հետո այդ վայրը գրավիչ զբոսաշրջային կենտրոն կդառնա»,– ասաց Սիմոնյանը։ -0-

Loading...
Թեմատիկ նյութեր
Բաժնի այլ նյութեր
20:21
23 Դեկտեմբերի 2017
Windows 10–ից հնարավոր է գաղտնաբառեր գողանալ
Windows 10-ում կրիտիկական խոցելիություն է հայտնաբերվել։
11:14
22 Դեկտեմբերի 2017
Գանգ հիշեցնող աստերոիդ է մոտենում Երկրին
Ձևով գանգ հիշեցնող 2015 TB-145 աստղակերպ է մոտենում Երկրին։
21:10
17 Դեկտեմբերի 2017
Բացահայտվել է երկար կյանքի պայմանը
Իտալական գյուղերի երկարակյացները տարբերվում են կյանքինկատմամբ պոզիտիվ վերաբերմունքով:
17:59
17 Դեկտեմբերի 2017
Հայտնի է հին iPhone-ների դանդաղ աշխատելու պատճառը
Apple ընկերությունը մարտկոցի մաշվածության պատճառով նվազեցնում է հին iPhone-ի արտադրողականությունը:
15:25
17 Դեկտեմբերի 2017
Facebook-ում անցանկալի գրառումը newsfeed-ից թաքցնելու հնարավորություն է ավելացել
Facebook-ում կավելանա օգտատերերի և խմբերի գրառումները newsfeed-ից հեռացնելու հնարավորություն:
17:51
10 Դեկտեմբերի 2017
Ճաղատությունը և վտանգավոր հիվանդությունները փոխկապակցված են.գիտնականներ
Վաղ ճաղատացումը ու մազերի ճերմակումը տղամարդկանց մոտ կարող է վկայել որոշ հիվանդությունների հակվածության մասին։
12:58
09 Դեկտեմբերի 2017
Instagram–ը սկսել է թեստավորել սեփական մեսենջերը
Instagram-ը սկսել է թեստավորել սեփական մեսենջերը:
21:50
03 Դեկտեմբերի 2017
Instagram–ը երկար սպասված ֆունկցիա է առաջարկելու
Instagram սոցցանցը թեստավորում է նոր հնարավորություներ, որոնք հետո կներկայացվեն ցանցում:
20:47
03 Դեկտեմբերի 2017
«ВКонтакте» սոցցանցը հնարավոություն կընձեռի խմբագրել ուղարկված նամակները
«ВКонтакте» սոցցանցը հնարավորություն է ստեղծել նամակը ուղարկելուց հետո 24 ժամվա ընթացքում խմբագրել այն։
21:05
02 Դեկտեմբերի 2017
Դիզայներները սմարթֆոնային կախվածությունից ազատվելու սարք են ստեղծել
Ավստրալացի դիզայներ Քլեմենս Շիլինջերը հեռախոսային կախվածություն ունեցող մարդկանց համար հատուկ սարք է ստեղծել։
12:48
26 Նոյեմբերի 2017
AliExpress կայքում հայտնաբերվել է վտանգավոր խոցելիություն
Տեղեկատվական անվտանգության փարձագետները խոցելիություն են հայտնաբերել հայտնի AliExpress կայքում:
15:50
25 Նոյեմբերի 2017
Հայտնի է 2017 թվականի լավագույն գաջեթների տասնյակը
TIME ամսագիրը հրապարակել է խմբագրության կարծիքով  2017 թվականի լավագույն գաջեթների տասնյակը: