477.88
-0.42
573.6
-0.5
8.31
+0.05
+27
Եղանակը Երևանում
Հայ
ՀՀ նախագահը Վիկտոր Համբարձումյանի անվան միջազգային գիտական մրցանակ է հանձնել երեք գիտնականների
14:36
17 Սեպտեմբերի 2014

ԵՐԵՎԱՆ, 17 սեպտեմբերի. /Նովոստի-Արմենիա/. ՀՀ նախագահ Սերժ Սարգսյանը չորեքշաբթի Վիկտոր Համբարձումյանի անվան միջազգային գիտական մրցանակը հանձնել է երեք գիտնականների՝ աստղաֆիզիկոս-պրոֆեսորներ Ֆելիքս Ահարոնյանին, Իգոր Կարաչենցևին և Բրենթ Թալլիին: 

Ֆելիքս Ահարոնյանն առաջադրվել է Լինչեի ազգային ակադեմիայի (Իտալիա) կողմից բարձր էներգիաների աստղաֆիզիկայի և տիեզերական արագացուցիչների ֆիզիկայի ոլորտում ակնառու ներդրման և Չերենկովի դիտակների ստերեոսկոպիկ համակարգի մշակման մեջ առաջատար դերի համար: Իգոր Կարաչենցևը և Բրենթ Թալին առաջադրվել են Հատուկ աստղադիտարանի (Ռուսաստան) կողմից տեղական տիեզերքի տիեզերաբանության մեջ հիմնարար ներդրման համար:

Ելույթ ունենալով հանդիսավոր արարողության ժամանակ՝ ՀՀ նախագահը հիշեցրել է, որ այս հեղինակավոր գիտական մրցանակը հանձնվում է արդեն երրորդ անգամ:

«Սահմանելով Վիկտոր Համբարձումյանի անվան միջազգային մրցանակ՝ մենք լիովին գիտակցում էինք նրա հեղինակության կարևորությունը», - ասել է Սարգսյանը: Նրա խոսքերով՝ մրցանակի նշանակալիությունը պայմանավորված է նրա դափնեկիրների բարձր մակարդակով, իսկ ներկայացված աշխատանքների գիտական փորձաքննությունն ամբողջովին վստահված է միջազգային հանձնաժողովին, որի անդամների թվում են Միջազգային աստղագիտական միության ներկայիս և նախորդ երկու նախագահները, Մեծ Բրիտանիայի Թագավորական ընկերության նախկին նախագահը և մի շարք ճանաչված այլ աստղագետներ:

Սարգսյանն ընդգծել է, որ բոլոր երեք դափնեկիրներն «աշխատում են ժամանակակից աստղագիտության ամենաառաջավոր ճակատում», երեքն էլ բազմաթիվ գիտական հայտնագործությունների հեղինակներ են:

«Հատկանշական է, որ երեք մրցանակակիրներն էլ որոշակի առնչություն ունեն հայկական աստղագիտության հետ: Ֆելիքս Ահարոնյանն իր գիտական մկրտությունը ստացել է Հայաստանում և բազմիցս հանդիպումներ ու գիտական քննարկումներ է ունեցել Վիկտոր Համբարձումյանի հետ», - նշել է ՀՀ նախագահը:

Նրա խոսքով՝ Իգոր Կարաչենցևը նույնպես իր գիտական գործունեությունը սկսել է Հայաստանում և Վիկտոր Համբարձումյանի աշակերտներից է: Բրենթ Թալին այն հազվագյուտ ամերիկյան գիտնականներից է, ով խորհրդային տարիներին այցելել է Հայաստան:

ՀՀ ԳԱԱ նախագահ, ակադեմիկոս Ռադիկ Մարտիրոսյանն իր հերթին հիշեցրել է, որ 2013 թ.-ին ավելի քան 500 միջազգային գիտական կազմակերպություններ տեղեկացվել են մրցանակի և այն ստանալու պայմանների մասին և մինչև 2014 թ.-ի մարտ ստացվել է յոթ հայտ հեղինակավոր գիտնականներից:

Նա նշել է, որ քննարկումից հետո հանձնաժողովը որոշել է մրցանակը հանձնել պրոֆեսոր Ֆելիքս Ահարոնյանին բարձր էներգիաների աստղաֆիզիկայի և տիեզերական արագացուցիչների ֆիզիկայի ոլորտում ակնառու ներդրման և Չերենկովի դիտակների ստերեոսկոպիկ համակարգի մշակման մեջ առաջատար դերի համար, պրոֆեսոր Իգոր Կարաչենցևին և Բրենթ Թալիին հատուկ աստղադիտարանի (Ռուսաստան) կողմից տեղական տիեզերքի տիեզերաբանության մեջ հիմնարար ներդրման համար:

Դափնեկիրները շնորհակալություն են հայտնել ՀՀ նախագահ Սերժ Սարգսյանին և ՀՀ Գիտությունների ազգային ակադեմիային իրենց նկատմամբ ցուցաբերված բարձր պատվի համար:

Ահարոնյանի խոսքով՝ Վիկտոր Համբարձումյանի անվան մրցանակը լուրջ դերակատարություն կունենա հայկական գիտության զարգացման և աշխարհում Հայաստանի հեղինակության բարձրացման գործում:

Կարաչենցևը հիշեցրել է, որ նրա գիտական հետաքրքրությունները ձևավորվել են հենց Հայաստանում, քանի որ նրան բախտ է վիճակվել անցնել Բյուրականի աստղադիտարանի հիանալի դպրոցը՝ Վիկտոր Համբարձումյանի ղեկավարությամբ:

Թալլիի խոսքերով՝ նրա համար մեծ պատիվ է արժանանալ այս մրցանակին, քանի որ նրա անունը կասոցացվի հռչակավոր գիտնականի անվան հետ:

Համբարձումյանի անվան միջազգային մրցանակը սահմանվել է ՀՀ նախագահի կողմից 2009թ.: Այն աստղագիտության, աստղաֆիզիկայի և հարակից գիտությունների բնագավառում կարևորագույն մրցանակներից է:

Առաջին անգամ` 2010թ., մրցանակը շնորհվեց հանրահայտ շվեյցարացի աստղաֆիզիկոս պրոֆեսոր Միշել Մայորին ու նրա գիտական խմբի երկու անդամներին` Կանարյան կղզիների աստղաֆիզիկայի ինստիտուտի աշխատակից Գարիկ Իսրայելյանին և Պորտոյի համալսարանի աստղաֆիզիկայի կենտրոն աշխատակից Նունո Սանտոսին:

Մրցանակը հանձնվում է երկու տարին մեկ անգամ աստղաֆիզիկայում և հարակից գիտություններում (ֆիզիկա, մաթեմատիկա) գրանցած զգալի ձեռքբերումների համար: Մրցանակի չափը, որին կարող են հավակնել ինչպես առանձին գիտնականներ, այնպես էլ գիտական խմբեր (երեք հոգուց ոչ ավել) կազմում է 500 հազար դոլար:-0-

Loading...
Թեմատիկ նյութեր
Բաժնի այլ նյութեր
21:05
10 Սեպտեմբերի 2017
Դեմքերի տարբերակման համակարգն օգնել է ձերբակալել 25 հետախուզվողների Չինաստանում
Դեմքերի տարբերակման համակարգն օգնել է ոստիկանությանը չինական Ցինդաո քաղաքում ձերբակալել 25 հետախուզվող քաղաքացիների:
11:01
08 Սեպտեմբերի 2017
Մեկ օրում երկրորդ հզոր բռնկումն է տեղի ունեցել Արևի վրա
Արևի վրա սեպտեմբերի 7–ին երկրորդ հզոր բռնկումն է տեղի ունեցել։
15:22
07 Սեպտեմբերի 2017
NASA–ն հրապարակել է Արեգակի վրա հզոր բռնկման տեսանյութը
NASA–ն հրապարակել է Արեգակի վրա տեղի ունեցած հզոր բռնկման տեսանյութը։
12:24
07 Սեպտեմբերի 2017
Արեգակի վրա անհավանական հզոր բռնկում է գրանցվել
Արեգակի վրա տեղի է ունեցել ամենահզոր բռնկումը վերջին 12 տարվա ընթացքում։
20:35
03 Սեպտեմբերի 2017
Facebook–ն արգելելու է «կեղծ» հաղորդագրությունները
Facebook–ի ղեկավարությունը պաշտոնապես հայտարարել է, որ պարբերաբար կեղծ նորություններ պարունակող էջերը չեն կարողանա իրենից գովազդ գնել։
16:38
03 Սեպտեմբերի 2017
Հայտնի է նոր iPhone-ների շնորհանդեսի օրը
Առաջիկայում Կուպերտինոյում Սթիվ Ջոբսի անվան լսարանում տեղի կունենա Apple–ի առաջին միջոցառումը։
13:59
03 Սեպտեմբերի 2017
Քաղաքի մեծություն ունեցող աստերոիդն անցավ Երկիր մոլորակի կողքով
Երկիր մոլորակի կողքով անցավ Florence աստերոիդը, որը ոչ մեծ քաղաքի չափ ուներ:
16:59
02 Սեպտեմբերի 2017
Հայտնի է Galaxy Note 7–ի բռնկման պատճառը
Samsung ընկերությունը խոսել է Galaxy Note 7 սմարթֆոնի բռնկման իրական պատճառների մասին։
20:25
27 Օգոստոսի 2017
Ներկայացվել է iPhone 7 և iPhone 7 Plus–ի ապաարգելափակման ձևը (ՎԻԴԵՈ)
Ցուցադրվել է iPhone 7 և iPhone 7 Plus–ի ապաարգելափակման ձևը:
15:40
27 Օգոստոսի 2017
Բացահայտվել են Երկիր մոլորակի վրա արևի լույսի անհետացման հանգամանքները
Աղետից հետո միջին գլոբալ ջերմաստիճանը Երկրի վրա նվազել է մոտ 28 աստիճանով  ցամաքում և 11 աստիճանով օվկիանոսում։
13:58
27 Օգոստոսի 2017
Մասնագետները զգուշացնում են Facebook-ում տարածվող նոր վիրուսի մասին
Նոր վիրուսի տարածման մասին հայտնել են «Կասպերսկու լաբորատորիայի» մասնագետներն ընկերության բլոգում:
20:58
26 Օգոստոսի 2017
Samsung ընկերությունը նոր սմարթֆոն է ներկայացրել
Samsung Electronics ընկերությունը նախօրեին ներկայացրել է իր նոր` Galaxy Note 8 սմարթֆոնը: