485.74
+0.58
561.81
-1.12
8.27
+0.04
+11
Եղանակը Երևանում
Հայ
Հայկական պլանշետների արտադրության մեջ նախնական ներդրումները կկազմեն 6–6,5 մլն դոլար, առաջին նմուշները կհայտնվեն մայիսի վերջին
16:34
11 Փետրվարի 2014

ԵՐԵՎԱՆ, 11 փետրվարի. /Նովոստի–Արմենիա/. Հայկական պլանշետների արտադրության մեջ նախնական ներդրումները կկազմեն 6–6,5 մլն դոլար, արտադրությունը նախատեսվում է սկսել մայիսի վերջին, երեքշաբթի «Նովոստի» միջազգային մամուլի կենտրոնում լրագրողներին ասել է Technology and Science Dynamics Inc./Armtab Technology ընկերության հիմնադիր Վահան Շաքարյանը։

Նրա խոսքերով` ընկերությունը դեռևս շինարարական աշխատանքներ է իրականացնում Ազատ տնտեսական գոտում 500 քառակուսի մետր տարածքում, որտեղ կկազմակերպվի արտադրությունը։
Մասնավորապես, աշխատանքներ են իրականացվում էլեկտրամագնիսական դաշտի մեկուսացման ուղղությամբ, ինչից հետո կտեղադրվեն սարքավորումները, կհավաքվի աշխատակազմն ու կիրականացվի նրանց ուսուցումը։

«Նախատեսվում է, որ բոլոր աշխատանքները կավարտվեն մինչև մայիսի վերջ, երբ արդեն հնարավոր կլինի սկսել զանգվածային արտադրությունը», – ասել է Շաքարյանը, հաղորդում է telecom.arka.am հեռահաղորդակցական կայքը։

Նրա խոսքերով` ձեռնարկության արտադրական հզորությունները թույլ կտան տարեկան արտադրել մինչև 100 հազար պլանշետ։ Միաժամանակ նա տեղեկացրել է, որ դրանց արժեքը դեռ որոշված չէ։

Խոսելով Հայաստանում արտադրություն ստեղծելու որոշման մասին` Շաքարյանը նշել է, որ Minno–ն (ArmTab-ի հիմնադիրը) արդեն հայտնի ապրանքանիշ է և իր շուկան ունի ԱՄՆ-ում և Լատինական Ամերիկայում։ Նրա խոսքերով` նախագծումն իրականացվում է ԱՄՆ–ում, հավաքումը` Չինաստանում, իսկ R&D–ն (հետազոտություն և մշակում, «ԱՌԿԱ») և սարքավորման փորձարկումն արդեն չորս տարի իրականացնում են հայ մասնագետները, ովքեր հատուկ ուղևորվում են Չինաստան` արտադրությունը վերահսկելու նպատակով։

Նա նշել է, որ ծախսերը կրճատելու նպատակով և հաշվի առնելով Հայաստանի մտավոր և ինժեներական ներուժը` որոշում է ընդունվել արտադրական հոսքագիծը տեղափոխել Հայաստան։
«Չինաստանում արտադրությունը շատ ավելի էժան է, քան Հայաստանում, սակայն հաշվի առնելով լրացուցիչ ծախսերն ու հավաքման և R&D–ի ստորաբաժանումներն իրար մոտ գտնվելու ապահովումը` ընկերությունը նախընտրել է արտադրությունը տեղափոխել Հայաստան», –ասել է Շաքարյանը։

Ւնչպես նշել է ընկերության ղեկավարը, ներդրումների իրականացման և ArmTab արտադրության կազմակերպման համար հիմնադիր և սեփականատեր Minno ընկերության կողմից Հայաստանում ստեղծվել է Technology and Science Dynamics Inc./Armtab Technology ընկերությունը։

«Minno–ի հավաքումն իրականացվելու է Ազատ տնտեսական գոտու տարածքում` Հայաստանում։ Հայաստանում արտադրվող Minno ընկերության պլանշետները նախկինի պես իրացվելու են ԱՄՆ–ի և Լատինական Ամերիկայի շուկաներում, իսկ ArmTab տարբերանշանով պլանշետները կուղղվեն ԱՊՀ երկրների, արաբական երկրների նոր շուկաներ, մասամբ նաև Եվրոպա», – ասել է Շաքարյանը։
Նրա խոսքերով` չնայած Հայաստանում արտադրություն իրականացնելիս ընկերությունը կկորցնի շահույթ, սակայն, այնուամենայնիվ, դա օպտիմալ տարբերակ է, որը թույլ կտա ողջ աշխարհին ցուցադրել հայ ինժեներների մտավոր ներուժն ու հնարավորությունները։

«Ստեղծելով ArmTab հայկական ընկերությունը` մենք ցանկանում ենք ցույց տալ, որ Հայաստանը կարող է միջազգային մակարդակի աշխատանքներ իրականացնել, դրա համար ունի ինժեներական ներուժ, մենք կարծում ենք, որ արդեն եկել է ժամանակը, երբ երկրին մշակումների նոր մակարդակ է հարկավոր», – ասել է Շաքարյանը։

Technology and Science Dynamics Inc.–ը Հայաստանի ազատ տնտեսական գոտում գրանցված առաջին ՏՀՏ  ընկերությունն է։

Technology and Science Dynamics Inc.–ը հիմնադրվել է 2013 թվականի հոկտեմբերի 11-ին և զբաղվում է հայկական առաջին դյուրակիր համակարգիչների՝ պլանշետների արտադրությամբ: Արտադրության շրջանակում արդեն կան անդրոիդ համակարգով փորձնական հավաքված պլանշետ (Armtab) և առաջին հայկական հեռախոս (Armphone): Պլանշետի ծրագրային և սարքային ապահովման դիզայնն իրականացվում է Հայաստանում, իսկ հավաքումը` ԱՄՆ-ում և Հոնկոնգում:

Հայկական պլանշետների արտադրության մեջ նախնական ներդրումները կկազմեն 6–6,5 մլն դոլար, արտադրությունը նախատեսվում է սկսել մայիսի վերջին։–0–

Loading...
Թեմատիկ նյութեր
Բաժնի այլ նյութեր
12:00
27 Հոկտեմբերի 2017
Զիգզագում մեկնարկել է iPhone 8 և iPhone 8 Plus սմարթֆոնների պաշտոնական վաճառքը
Զիգզագ և Զիգզագ Անտենա վաճառասրահներում մեկնարկել է Apple ապրանքանիշի սմարթֆոնների նոր սերնդի iPhone 8 և iPhone 8 Plus մոդելների վաճառքը։
12:20
19 Հոկտեմբերի 2017
Վարչապետ. մեր նպատակն է ունենալ մրցունակ և առաջադեմ ազգ
Հայաստանը այսօր չափազանց լավ հնարավորություն ունի՝ թափ հաղորդելու իր զարգացմանը:
21:02
18 Հոկտեմբերի 2017
Volterman–ի մշակողները մտադիր են ստեղծել աշխարհում առաջին սավառնող տեսախցիկը (ՎԻԴԵՈ)
Volterman-Ring սմարթ դրամապանակի հայ մշակողները հայտնել են աշխարհում Moon սավառնող խցիկի ստեղծման մասին։
20:37
15 Հոկտեմբերի 2017
Հայտնի են Google–ի ամենասարսափելի հարցումները
Հայտնի են Google որոնողական համակարգի ամենասարսափելի հարցումները։
17:11
14 Հոկտեմբերի 2017
NASA–ի տիեզերագնացների արված լուսանկարները կհանվեն աճուրդի (ՖՈՏՈ)
Լուսանկարների թվում է նաև տիեզերքից մարդու կողմից արված Երկիր մոլորակի առաջին լուսանկարը։
15:59
14 Հոկտեմբերի 2017
iPhone–ը «կոտրելու» պարզ միջոց է հայտնաբերվել
Մշակող Ֆելիքս Կրաուզեն (Felix Krause) ներկայացրել է ֆիշինգի օգնությամբ iOS օգտատերերի տվյալների գողության նոր միջոց։
17:57
08 Հոկտեմբերի 2017
NASA–ն ցուցադրել է աշխարհի ամենամեծ սառցաբեկորի լուսանկարները (ՖՈՏՈ)
NASA–նլուսանկար է աշխարհի ամենամեծ սառցաբեկորը, որն առանձնացել է Անտարկտիդայում գտնվող Լարսեն  սառցադաշտից։
18:25
07 Հոկտեմբերի 2017
Ստեղծվել է սոսինձ, որը «կարում է» վերքերի եզրերը
Գիտնականները թեստավորել են իրենց գյուտը մկների և խոզերի վրա:
14:07
29 Սեպտեմբերի 2017
«Ռոստելեկոմը» ներկայացրել է մալուխային հեռուստատեսության զարգացումները Հայաստանում
«Ռոստելեկոմ» Հայաստանի գլխավոր տնօրեն Հայկ Ֆարամազյանը միջազգային համաժողովի շրջանակում ներկայացրել է մալուխային հեռուստատեսության զարգացումները:
16:05
27 Սեպտեմբերի 2017
Հայազգի Կարինա Մովսեսյանը` ԵՄ–ի լավագույն երիտասարդ գիտնական
«Եվրամիության լավագույն երիտասարդ գիտնական» 29–րդ մրցույթի գլխավոր հաղթող է դարձել 18–ամյա Կարինա Մովսեսյանը Կառլովի Վառիից։
11:39
27 Սեպտեմբերի 2017
Google–ն ու Levi's–ը խելացի ջինսե բաճկոն են մշակել (ՎԻԴԵՈ)
Google–ն ու Levi's–ը մշակել են Commuter Trucker Jacket խելացի ջինսե բաճկոնը։
21:05
10 Սեպտեմբերի 2017
Դեմքերի տարբերակման համակարգն օգնել է ձերբակալել 25 հետախուզվողների Չինաստանում
Դեմքերի տարբերակման համակարգն օգնել է ոստիկանությանը չինական Ցինդաո քաղաքում ձերբակալել 25 հետախուզվող քաղաքացիների: