ԵՐԵՎԱՆ, 3 դեկտեմբերի. /Նովոստի Արմենիա/. Instagram սոցցանցը թեստավորում է նոր հնարավորություներ, որոնք հետո կներկայացվեն ցանցում, հայտնում է
mail.ru–ն։
Instagram-ի օգտատերերի համար երկար սպասված ֆունկցիաներից մեկը վերահրապարակումն է: Ներկայում այլ էջից նկարներ վերահրապարակելու համար անհրաժեշտ է պահել այն հեռախոսի մեջ (կամ սքրինշոթ անել) ու տեղադրել սեփական էջում, կամ օգտվել բազմաթիվ այլ հավելվացներից։ Հիմա արդեն օգտատերերի մի մասը հրապարակումների տակ կարող են տեսնել regram կոճակը։ Ռեպոստի ժամանակ, ինչպես այլ սոցցանցերում, պահպանվում է աղբյուրի հղումը:
Instagram-ի օգտատերերի մի մասի համար սովորական հրապարակումների և Stories բաժնում GIF պատկերների օգտագործման հնարավորություն է ստեղծվել։ GIF պատկերները հնարավոր կլինի գտնել կայքի հատուկ բաժնում։
Եվս մեկ նորարարություն էլ կապված է անձնական պահոցում Stories–ից նկարներ և վիդեոներ պահպանելու հետ։ Ընտրած ֆայլերը հնարավոր կլինի պահել հավելվածում 24 ժամից ավելի։ Բացի դրանից, օգտատերերը կկարողանան մտերիմ ընկերների խումբ ստեղծել, ովքեր միաժամանակ հաղորդագրություններ կստանան։ Եվ վերջապես, Instagram–ը թեստավորում է WhatsApp–ում տեղեկություն share անելու հնարավորությունը։ –0–
