ԵՐԵՎԱՆ, 12 օգոստոսի. /Նովոստի-Արմենիա/. ԱՄՆ Կալիֆոռնիայի համալսարանի գիտնականները պարզել են, որ ցածր կալորիականություն ունեցող սննդակարգը նպաստում է հասուն տարիքում կենսաբանական ժամերի պահպանմանը և խոչընդոտում ծերացմանը:
Ինչպես գրում է
Lenta.ru-ն, հետազոտողների հոդվածը հրապարակվել է Cell ամսագրում: Մամուլի հաղորդագրությունը հասանելի է EurekAlert! կայքում:
Գիտափորձերը կատարվել են 6 և 18 ամսական մկների վրա, որոնցից վերցրել են լյարդի հյուսվածքների նմուշներ: Պարզվել է, որ սննդի յուրացման գործին մասնակցող գեների անջատման և ակտիվացման համար օրվա ժամից կախված պատասխանատու մեխանիզմի աշխատանքում տարիքի հետ փոփոխություններ են նկատվում:
Загружается новость ...
"Право"
Սակայն 30 տոկոսով պակաս կալորիական սննդակարգով կրծողների կենսաբանական ժամերը վեց ամիսների ընթացքում «երիտասարդացել են»: Նման մեխանիզմ, ամենայն հավանականությամբ, գոյություն ունի նաև մարդկանց մոտ:
2017 թվականին Nature Communications ամսագրում հրապարակվել է հոդված, որում հաղորդվել է 25 գեների հայտնաբերման մասին, որոնք կապված են ցիրկադային ռիթմերի հետ, միաժամանակ, դրանց ակտիվությունն աճում է հասուն տարիքում: Դրա պատճառը, ըստ գիտնականների, ծերացման գործընթացների դանդաղեցմամբ դրսևորվող պաշտպանիչ ֆունկցիան է: -0-