ԵՐԵՎԱՆ, 3 դեկտեմբերի. /Նովոստի-Արմենիա/. Ժամանակակից Անտարկտիդայի տարածքում ընդամենը երեք տեսակի միջատ է բնակվում, սակայն անցյալում դրանց թիվն ավելի մեծ է եղել: Սառցադաշտերից մեկում ամերիկացի գիտնականներն ավելի քան 14 մլն տարեկան բզեզ են հայտնաբերել:
Հետազոտությունն անցկացրել են Հյուսիսային Դակոտայի համալսարանի և Սմիթսոնի ինստիտուտի մասնագետները, իսկ դրանց արդյունքները հրապարակվել են ZooKeys ամսագրում, հայտնում է
nat-geo.ru-ն: Միջատների քարացած թևերը հայտնավերվել են Անդրանտարկտիկ լեռնաշղթայի մոտ գտնվող Բըրդմոր սառցադաշտի (Beardmore Glacier) հատվածում:
Թևերը պատկանում են գնայուկների (Carabidae) ընտանիքի երկու առանձնյակների, բրածոների տեսակը գիտնականներին հայտնի չէ: Գտածոն ստացել է Antarctotrechus balli անվանումը: Բզեզներն այդ տարածքում բնակվել են 14-20 մլն տարի առաջ՝ Անտարկդիդային կլիման այն ժամանակ զգալիորեն տաք էր, և այն ամբողջովին ծածկված էր բուսականությամբ:
Այս գտածոների հայտնաբերումը մեծ ավանդ է ներնում Երկրի պատմության ուսումնասիրության գործում: Մեր օրերին Անտարկտիկայի կենդանական աշխարհը ներկայացված է միայն երեք տեսակի միջատներով՝ Glaciopsyllus antarcticus լվերով, անթև Belgica antarctica մոծակներով և Camponotus werthi մրջյուններով: Դրանցից ոչ մեկը թռչելու ընդունակություն չունի: Մասնագետների կարծիքով, Antarctotrechus balli-ն նույնպես պատկանում է չթռչող միջատների թվին: -0-