ԵՐԵՎԱՆ, 21 մայիսի. /Նովոստի–Արմենիա/. Մեր ուղեղը զարմանալի է: Այն կարող է օգնել հասնել ցանկացած բարձունքի, հասնել բաղձալի երազանքի և հասնել իսկապես ամենադժվար նպատակներին: Բայց դրա համար պետք է հասկանալ, թե ինչպես է այն աշխատում:
AdMe.ru–ն առաջարկել է քննել ուղեղի աշխատանքի փաստերը և սկսել օգտագործել դրանք արդեն այսօր։
1. Ուղեղի համար իրականն ու երևակայականը միևնույն բաներն են
Ուղեղն արձագանքում է յուրաքանչյուր մտքի և չի հասկանում, թե որն է իրականը, որը՝ երևակայականը: Հենց այդ պատճառով է, որ այն մարդիրկ ովքեր «վարդագույն ակնոց» են կրում, իրենց ավելի երջանիկ են զգում, իսկ օրգանիզմը պլացեբոն ընկալում է որպես իսկական դեղամիջոց:
2. Ուղեղը չի հոգնում մտավոր աշխատանքից
Ուղեղի հոգնածության զգացողությունն առաջանում է մեր հույզերից: Արյան բաղադրությունը, որ հոսում է ուղեղի միջով ակտիվ աշխատանքի ընթացքում, չի փոխվում: Թեև, օրինակ, ամբողջ օրն աշխատած մարդու երակային արյունը փոխվում է։
3. Հաճախ ուղեղն աշխատում է ավտոպիլոտով
Մեր այսօրվա մտքերի ավելի քան կեսը երեկվա մտքերի շարունակությունն է։ Դա է պատճառը, որ հոռետեսներին այնքան դժվար է փոխել իրենց աշխարհընկալումը: Անհրաժեշտ է բառացիորեն «մաքրել» ուղեղը և ստիպել արձագանքել դրական երևույթներին:
4. Մենք տեսնում ենք այն, ինչի մասին մտածում ենք
Ցանկացած միտք վերածվում փորձի: Օրինակ, եթե դուք երազում եք Փարիզ ուղևորության մասին, ապա ամենուր կհանդիպեք այդ քաղաքի մասին հիշեցումների: Ուզում եք փոխել շրջապատող աշխարհը՝ փոխեք ձեր մտքերը:
5. Ուղեղն անհրաժեշտ է մարզել, ինչպես մկանները
Ուղեղը ոչնչով չի տարբերվում է մկաններից, այն նույնպես անհրաժեշտ է մարզել: Ուղեղի համար օգտակար է սովորելը, ֆիզկուլտուրան մաքուր օդին, ճիշտ սնունդը, առողջ քունը, ճանապարհորդությունը դեպի նոր վայրեր, անծանոթ գործունեությամբ զբաղվելը, գրառումների կատարումը, պարը, անգամ «Տետրիս» խաղալը:
6. Ուղեղը երբեք չի հանգստանում
Անգամ, երբ մենք քնած ենք, ուղեղը շարունակում է ջանասիրաբար աշխատել: Ընդ որում՝ քնի ժամանակ դրա ակտիվությունը շատ ավելի բարձր է, քան ցերեկը:
7. Կենսական անհրաժեշտություն ժամանակ առ ժամանակ «անջատվելը»
Հազարավոր բացասական մտքերի մեջ չխեղդվելու համար անհրաժեշտ է «անջատվել» և հանգիտ տալ իմունային համակարգին: Մի մոռացեք ակտիվ հանգստի մասին, ուղեղի համար հենց դա է ամենաօգտակարը:
8. Մոռանալը լավ է, այդպես մենք պահպանում ենք նյարդային համակարգի ճկունությունը
Նոր հիշողությունների պահպանման համար ուղեղին անհրաժեշտ է ազատվել հներից: Հրաշալի կլիներ, եթե մենք ինքներս կարողանայինք որոշել` ինչը մոռանալ, ինչը՝ ոչ: Իսկ դրա համար պետք է հաճախ օգտագործել այն տեղեկությունը, որը ցանկանում ենք պահպանել:
9. Ուղեղը զգայուն չէ ցավի նկատմամբ
Ուղեղն արձագանքում է ցավին, բայց ընկալիչների բացակայության պատճառով ուղեղը` ինքը, ցավ չի զգում: Թեև այս հանգամանքը չի տարածվում բազմաթիվ անոթների, նյարդերի և հյուսվածքների վրա, որոնցով շրջապատված է ուղեղը:
10. Մենք կարող ենք փոխել մեր ուղեղը
Ցանկացած գործունեություն խթանում է ուղեղում նոր նեյրոնային հանգույցների առաջացումը: Եթե մենք կարծում ենք, որ ի վիճակի չենք հասնել առաջխաղացման, ապա ժամանակի ընթացքում այս միտքը միայն ամրապնդվում է գիտակցության մեջ: Բայց եթե փոխարինենք կարգավորումներն «ինձ ամեն ինչ կհաջողվի» արտահայտությամբ, ապա ուղեղին ինքը կսկսի հնարավորություններ ստեղծել դրանք իրականացնելու համար:
Մենք հնարավորություն ունենք հասնելու բացարձակապես ամեն ինչի: Կարևորը հավատալն է: -0-