487.29
-0.01
568.08
+2.76
8.23
+0.01
+10
Եղանակը Երևանում
Հայ
«Փարաջանով» ֆիլմը նոր հայացք է մեծանուն վարպետի նկատմամբ. Ավետիքյան
13:00
15 Մայիսի 2014

ԵՐԵՎԱՆ, 15 մայիսի. /Նովոստի–Արմենիա/. «Փարաջանով» ֆիլմը մեծանուն վարպետի նկատմամբ նոր հայացք է, «Նովոստի–Արմենիա» գործակալությանն ասաց ֆիլմի ռեժիսոր և գլխավոր դերակատար Սերժ Ավետիքյանը։

«Երբ կենսագրական ֆիլմ է նկարահանվում, մարդիկ միշտ նրանից իրականություն են սպասում, միաժամանակ մեր ֆիլմը գեղարվեստական ստեղծագործություն է, Փարաջանովի մասին նոր տեսլական», – ասել է նա։

Պատասխանելով այն հարցին, թե որքա՞ն բարդ էր մարմնավորել Փարաջանովի կերպարը` Ավետիքյանը նշել է, որ իրականում ոչ մի դերասան չի կարող ամբողջովին մտնել իր հերոսի կերպարի մեջ, նա պարզապես «իր հոգում տարածք է բացում, որտեղ ապրում է այդ կերպարը»։

Դերասանը համոզված է, որ ֆիլմի հաջողությունը ողջ անձնակազմի համախմբված աշխատանքն է։

«Ամեն ֆիլմ մի ամբողջություն է։ Սակայն դերասանին կամ ռեժիսորին միայնակ որևէ բան չի հաջողվի ստեղծել, դրա համար հարկավոր է, որպեսզի հանդիպեն բոլոր մասնակիցները` ֆիլմի ստեղծողները», – ասել է նա։

Միաժամանակ Ավետիքյանն ընդգծել է, որ ֆիլմի «ծննդյան» բոլոր մասնակիցների հանդիպման և համախմբված աշխատանքի շնորհիվ «հատուկ կամուրջ է կառուցվել, որը թույլ է տվել հանդիսատեսին ճանապարհորդել Փարաջանովի աշխարհում»։

Նա նաև պատմել է, որ ֆիլմը մեծ հաջողությամբ ցուցադրվել է 15 միջազգային փառատոնների ժամանակ` արժանանալով մի շարք մրցանակների։ Այն ցուցադրվել է նաև վերջերս Բուխարեստում կայացած կինոփառատոնի ժամանակ։ Ավետիքյանը տեղեկացրել է, որ վերջերս ֆիլմը ռուսական կինովարձույթ է դուրս եկել, իսկ տարեվերջին նախատեսվում է, որ այն կհայտնվի Ֆրանսիայի կինովարձույթում։

«Փարաջանով« ֆիլմը նկարահանել են 2013թ.-ին, այն Հայաստանի, Ֆրանսիայի, Ուկրաինայի և Վրաստանի համատեղ արտադրանք է։ Ֆիլմի համաշխարհային պրեմիերան տեղի է ունեցել հուլիսի 4–ին Չեխիայում կայացած «Կառլովի Վարի» փառատոնի ժամանակ, հուլիսի 13–ին ֆիլմը ցուցադրվել է որպես եզրափակիչ կինոնկար «Ոսկե ծիրան» երևանյան 10–րդ միջազգային կինոփառատոնի շրջանակներում, իսկ հուլիսի 17–ին այն ներկայացվել է Օդեսայի միջազգային կինոփառատոնի ժամանակ։

95 րոպե տևողությամբ ֆիլմը ներկայացնում է հռչակավոր ռեժիսոր Սերգեյ Փարաջանովի կյանքի և ստեղծագործության առանցքային իրադարձությունները։ Փարաջանովը «Նռան գույնը», «Աշիղ քերիբ», «Մոռացված նախնիների ստվերները» ֆիլմերի և այլ կինոգլուխգործոցների հեղինակն է։ Ֆիլմում Փարաջանովի կերպարը մարմնավորել է Սերժ Ավետիքյանը։

Երևանում մայիսի 13–ին տեղի է ունեցել «Հայակ» ազգային կինոմրցանակաբաշխությունը, որտեղ «Փարաջանով» ֆիլմն արժանացել է չորս մրցանակների «Լավագույն խաղարկային ֆիլմ», «Լավագույն ռեժիսոր», «Լավագույն դերասան» և «Լավագույն նկարիչ» անվանակարգերում։

Ֆրանսահայ ռեժիսոր, դերասան, պրոդյուսեր և սցենարիստ Սերժ Ավետիքյանը ծնվել է 1955 թ.–ին Երևանում։ 15 տարեկանում նրա ընտանիքը տեղափոխվել է Ֆրանսիա։ Մյոդոնի դրամատիկ արվեստների կոնսերվատորիայում ուսումն ավարտելուց հետո Ավետիքյանը եկել է Փարիզ, որտեղ 1976 թ.–ին մի խումբ համախոհների հետ թատերախումբ է ստեղծել` զուգահեռաբար նկարահանվելով նաև կինոյում։ Նրա ֆիլմադարանում մոտ 60 ֆիլմ կա, որոնց թվում են` «Մենք մի ամբողջություն ենք» (1979), «Փղի անկյունագիծը» (1984), «Մայրիկ» (1991), «Արամ» (2002), «Ճանապարհորդություն դեպի Հայաստան» (2006), «Սալորաչրով ճուտիկը» (2011), «Հարսնացուն կրկեսից» (2011) և «Փարաջանով» (2013)։–0–

Loading...
Թեմատիկ նյութեր
Բաժնի այլ նյութեր
16:14
19 Հոկտեմբերի 2017
ՈւՇԱԴՐՈւԹՅՈւՆ ԶԼՄ–ՆԵՐԻՆ. «Նովոստի–Արմենիա» մամուլի կենտրոնում կկայանա ասուլիս` նվիրված Սարգսյան–Ալիև հանդիպմանը
Ուրբաթ` հոկտեմբերի 20–ին, ժամը 12։00–ին «Նովոստի–Արմենիա» մամուլի կենտրոնում կկայանա ասուլիս «Հայաստանի և Ադրբեջանի նախագահների հանդիպումն ու դրա արդյունքները» թեմայով։
17:12
17 Հոկտեմբերի 2017
ՈւՇԱԴՐՈւԹՅՈւՆ ԶԼՄ–ՆԵՐԻՆ. «Նովոստի–Արմենիա» մամուլի կենտրոնում կկայանա ասուլիս` նվիրված Սարգսյան–Ալիև հանդիպման արդյունքներին
Չորեքշաբթի` հոկտեմբերի 18–ին, ժամը 12։00–ին «Նովոստի–Արմենիա» մամուլի կենտրոնում կկայանա ասուլիս «Հայաստանի և Ադրբեջանի նախագահների հանդիպումը. ղարաբաղյան հիմնահարցի հետագա զարգացումները» թեմայով։
14:05
03 Հոկտեմբերի 2017
ՈՒՇԱԴՐՈՒԹՅՈՒՆ ԶԼՄ–ներին. «Նովոստի–Արմենիա» մամուլի կենտրոնում կկայանա մամուլի ասուլիս Հայաստանի աշխատաշուկայի վերլուծության թեմայով
«Նովոստի–Արմենիա» մամուլի կենտրոնում կկայանա մամուլի ասուլիս «Հայաստանի աշխատաշուկայի վիճակագրական վերլուծություն» թեմայով։
15:21
02 Հոկտեմբերի 2017
ՈւՇԱԴՐՈւԹՅՈւՆ ԶԼՄ–ՆԵՐԻՆ. «Նովոստի–Արմենիա» մամուլի կենտրոնում կկայանա ասուլիս` նվիրված «Հայաստանի ստարտափ ակադեմիա» ծրագրի մեկնարկին
Երեքշաբթի` հոկտեմբերի 3–ին, ժամը 11։00–ին «Նովոստի–Արմենիա» մամուլի կենտրոնում կկայանա մամուլի ասուլիս, որը նվիրված է «Հայաստանի ստարտափ ակադեմիա» նախա-աքսելերացիոն ծրագրի մեկնարկին։
18:05
20 Սեպտեմբերի 2017
ՈՒՇԱԴՐՈՒԹՅՈՒՆ ԶԼՄ–ներին. «Նովոստի–Արմենիա» մամուլի կենտրոնում կկայանա «Fun Armenia» ֆոտոարշավին նվիրված ասուլիս
Ուրբաթ «Նովոստի–Արմենիա» մամուլի կենտրոնում կկայանա Հայաստանի այլընտրանքային զբոսաշրջային ուղղությունների «Fun Armenia» ֆոտոարշավին նվիրված ասուլիս։
10:00
18 Սեպտեմբերի 2017
ՈՒՇԱԴՐՈՒԹՅՈՒՆ ԶԼՄ-ներին. «Նովոստի-Արմենիա» մամուլի կենտրոնում կկայանա ռեստորանային սննդի Yerevan Food Fest առաջին փառատոնին նվիրված ասուլիս
Երեքշաբթի` սեպտեմբերի 19-ին, ժամը 11:00-ին «Նովոստի-Արմենիա» մամուլի կենտրոնում կկայանա ասուլիս:
14:29
04 Սեպտեմբերի 2017
ՈւՇԱԴՐՈւԹՅՈւՆ ԶԼՄ–ՆԵՐԻՆ. «Նովոստի–Արմենիա» մամուլի կենտրոնում կկայանա ասուլիս` նվիրված «Մշակութային վերածնունդ» փառատոնին
Սեպտեմբերի 5–ին ժամը 12։00–ին «Նովոստի–Արմենիա» մամուլի կենտրոնում կկայանա ասուլիս` նվիրված «Մշակութային վերածնունդ» արվեստների և արհեստների համահայկական փառատոնին։
12:00
12 Հուլիսի 2017
ՈւՇԱԴՐՈւԹՅՈւՆ ԶԼՄ–ներին. «Նովոստի–Արմենիա» մամուլի կենտրոնում կկայանա ասուլիս` նվիրված Տատյանա Դանիլյանցի վավերագրական ֆիլմին և «Ոսկե ծիրանի» շրջանակում կայանալիք բացառիկ համերգին
Հինգշաբթի` հուլիսի 13--ին, ժամը 12:00-ին, տեղի կունենա մամուլի ասուլիս` նվիրված ռեժիսոր Տատյանա Դանիլյանցի վավերագրական  ֆիլմի պրեմիերային:
14:58
06 Հուլիսի 2017
ՈւՇԱԴՐՈւԹՅՈւՆ ԶԼՄ–ներին. «Նովոստի–Արմենիա» մամուլի կենտրոնում կկայանա ասուլիս «Բնակավայրերի անմիջական մոտակայքում Ադրբեջանի բանակի դիրքերի տեղակայման հարցը վերջին միջադեպերի օրինակներով» թեմայով
Հինգշաբթի` հուլիսի 6-ին, ժամը 16:00-ին, «Նովոստի–Արմենիա» մամուլի կենտրոնում տեղի կունենա մամուլի ասուլիս՝ «Բնակավայրերի անմիջական մոտակայքում Ադրբեջանի բանակի դիրքերի տեղակայման հարցը վերջին միջադեպերի օրինակներով» թեմայով։

13:41
26 Հունիսի 2017
ՈւՇԱԴՐՈւԹՅՈւՆ ԶԼՄ–ներին. «Նովոստի–Արմենիա» մամուլի կենտրոնում կկայանա Թթի փառատոնին նվիրված ասուլիս
«Նովոստի–Արմենիա» մամուլի կենտրոնում տեղի կունենա «Սյունյաց ավանդույթներ. թութ» խորագրով չորրորդ ամենամյա փառատոնին նվիրված մամուլի ասուլիս։
12:42
21 Հունիսի 2017
ՈւՇԱԴՐՈւԹՅՈւՆ ԶԼՄ–ՆԵՐԻՆ. «Նովոստի–Արմենիա» մամուլի կենտրոնում կկայանա մամուլի ասուլիս` նվիրված առաջին Ինժեներական համաժողով-ցուցահանդեսին
Հինգշաբթի, hունիսի 22-ին, ժամը 12:00-ին, «Նովոստի–Արմենիա» մամուլի կենտրոնում տեղի կունենա մամուլի ասուլիս: