ԵՐԵՎԱՆ, 12 փետրվարի. /Նովոստի-Արմենիա/. Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը, հայտնում է
Lenta.ru-ն՝ հղում անելով ՏԱՍՍ-ին:
Նրա թեկնածությանը կողմ է քվեարկել Դաշնային ժողովի՝ պետության նոր ղեկավարի ընտրությունների համար ստեղծվող մարմնի պատվիրակների կեսից ավելին: 1260 պատվիրակների կեսը ներկայացված է Բունդեսթագի պատգամավորներով, մյուսը՝ դաշնային երկրամասների խորհրդարանների առաջադրած ընտրողներով:
Շթայնմայերը զբաղեցրել է ԱԳՆ ղեկավարի պաշտոնը 2005-ից 2009 թվականը և 2013 թվականից 2017-ը: Լքել է ԱԳՆ ղեկավարի պաշտոնը երկրի նախագահի ընտրություններին «Քրիստոնեադեմոկրատական միության» և Գերմանիայի սոցիալ-դեմոկրատական կուսակցության կազմում մասնակցելու նպատակով: -0-