478.82
+0.2
557.59
+7.08
8.14
+0.04
+26
Եղանակը Երևանում
Հայ
Արևելյան համագործակցության երկրներում կոռուպցիան նվազել է. TI
16:59
22 Հուլիսի 2015

ԵՐԵՎԱՆ, 22 հուլիսի. /Նովոստի–Արմենիա/. Արևելյան համագործակցության երկրներում որոշակի առաջընթաց է նկատվել կոռուպցիայի խնդիրների լուծման հարցում, չորեքշաբթի լրագրողներին ասաց Transparency International հակակոռուպցիոն կենտրոնի ղեկավար Վարուժան Հոկտանյանը։

«Պատճառներից մեկը կառավարման էլեկտրոնային համակարգի ներդրումն է տարբեր ոլորտներում, ներառյալ` հարկային ոլորտը», – ասաց նա։

Հոկտանյանի խոսքով` Transparency International–ը Բրյուսելում հուլիսի սկզբին ներկայացրել է նոր զեկույցը, որն արտացոլում է կոռուպցիայի վիճակը 2015 թվականի դրությամբ։ Զեկույցում առաջին անգամ ներկայացվել են Արևելյան համագործակցության երկրներում կոռուպցիայի մակարդակի համեմատական վերլուծության արդյունքները, բացառությամբ` Բելառուսի։ Մինչ այդ տարածաշրջանային համեմատական ուսումնասիրություններ չեն անցկացվել։

Հոկտանյանը նշեց, որ առաջին հերթին զեկույցում ներկայացվել են բոլոր այդ երկրների ընդհանուր և անհատական խնդիրները։ Նրա խոսքով` բոլոր երկրներում ակնհայտ է երեք հիմնական խնդիր` գործադիր մարմնի նկատմամբ զսպման մեխանիզմների և հակակաշիռների սահամանափակ լինելն ու անբավարար վիճակը, քաղաքականացված և անարդյունավետ դատական համակարգը և քաղաքացիական հասարակության հանդեպ առկա սահմանափակումները։  «Այս համատեքստում իրավիճակն Ադրբեջանում մի փոքր ավելի վատ է, քան մյուս երկրներում», – նշեց փորձագետը։

Հայաստանի երիտասարդ իրավաբանների ասոցիացիայի վարչության անդամ Մարատ Ատովմյանի խոսքով` Հայաստանում իրավիճակը կոռուպցիայի դեմ պայքարում շարունակում է չլուծված խնդիրներից մեկը մնալ։

«Կոռուպցիայի մակարդակը հիմնականում պահպանվում է։ Հայաստանը անկախ հակակոռուպցիոն մարմինների կարիք ունի։ Պետք է որոշակի գործողություններ ձեռնարկել, որպեսզի մեր երկրում քաղաքացիական հասարակությունը կարողանա մասնակցել կոռուպցիայի հետ կապված խնդիրների լուծման գործին», – նշեց նա` հստակեցնելով, որ անհրաժեշտ է տիրապետել կոռուպցիայի հետ պայքարի մեթոդբանությանն ու սովորել կիրառել այն գործնականում։

Transparency International միջազգային կազմակերպության կազմած «Կոռուպցիայի ընկալման ցուցիչ-2014» վարկանշային աղյուսակում Հայաստանն 94–րդ հորիզոնականն էր զբաղեցրել, Ադրբեջանը` 126–րդ (29 միավոր) , Վրաստանը` 50-րդ հորիզոնականը (52 միավոր)։

2014 թվականին վարկանիշում ընդգրկվել է 174 երկիր։

Transparency International–ի վարկանիշը կազմելիս դիտարկվում են կոռուպցիոն գործունեության բոլոր տեսակները, որոնց թվում են` պաշտոնատար անձանց տրվող կաշառքները, պետպատվերների կատարումից ստացված շահույթի տեղաբաշխման գործում պաշտոնյաների մասնակցությունը, ինչպես նաև բյուջետային միջոցների անօրինական կամ անբարեխիղճ ծախսումը։ Գնահատվում է նաև կառավարության կողմից իրականացվող հակակոռուպցիոն միջոցառումների արդյունավետությունը։

«Արևելյան գործընկերություն» նախագծի գլխավոր նպատակը Եվրամիության մերձեցումն է նախկին ԽՍՀՄ 6 հանրապետությունների հետ՝ Ուկրաինա, Մոլդովա, Ադրբեջան, Հայաստան, Վրաստան և Բելառուս։-0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: