487.29
-0.01
568.08
+2.76
8.23
+0.01
+4
Եղանակը Երևանում
Հայ
Եվրոպան պետք է տարբերակված մոտեցում ցուցաբերի Հայաստանի և Ադրբեջանի նկատմամբ
15:11
20 Հուլիսի 2015

ԵՐԵՎԱՆ, հուլիսի 20./Նովոստի–Արմենիա/. Եվրոպական կառույցները ղարաբաղյան հակամարտության համատեքստում պետք է տարբերակված մոտեցում ցուցաբերեն Հայաստանի և Ադրբեջանի նկատմամբ, կարծում է Հայաստանի նախագահ Սերժ Սարգսյանը։

«Ես կոչ եմ անում բոլոր եվրոպական կառույցներին դադարեցնել հավասարության նշան դնել Հայաստանի և Ադրբեջանի միջև, և սկսել բացահայտ խոսել, թե ով է կրակում (շփման գծում) և ով է ստեղծում լարվածություն։ Հավասարության նշանի դեպքում մարդիկ անպատժելիություն են զգում, կորցնում իրականության հետ կապը»,– ասաց Սարգսյանը երկուշաբթի Երևանում Եվրոպական խորհրդի նախագահ Դոնալդ Տուսկի հետ համատեղ ճեպազրույցին։

Նրա խոսքով` հենց այդ պատճառով Ադրբեջանի նախագահը թույլ է տալիս իրեն մեծամիտ, անհեթեթության հասնող հայտարարություններ։
 
«Թեպետ նավթի և գազի հոտը, ինչպես նաև խավիարի համը պտտեցրել է Եվրոպայի շատ ներկայացուցիչների գլուխները, ճիշտ ուղին կգտնվի»,– ասաց Սարգսյանը։

Նա նշեց, որ Ադրբեջանի ղեկավարությունը Հայաստանին մեծ նվեր է մատուցել` Բաքվում անցկացնելով Եվրոպական խաղերը և այդ շրջանում ապահովելով խաղաղության և կայունության խաբկանք ինչպես շփման գծում, այնպես էլ հայ–ադրբեջանական սահմանին, որից հետո, սակայն, ադրբեջանական կողմը կրկին անցել է հակամարտության սրմանը։

«Դա վերջին կաթիլն էր, որը համոզեց համաշխարհային հանրությանը, թե ով է լարվածության պատճառի  ստեղծողը, ում պատճառով են զոհվում երիտասարդները, խախտվում հրադադարի ռեժիմը։ Անհեթեթ չէ՞ արդյոք, որ իշխանությունը ժառանգած մարդը մեղադրում է մյուսներին այն բանում, թե իբր նրանք նախագահ են դարձել կողմնակի ուժերի օգնությամբ։ Անհեթեթ չէ՞, որ այլատյացություն քարոզող մարդը մեղադրում է Եվրոպային և ուրիշ երկրներին այլատյացության մեջ»,– ասաց Սարգսյանը` մեկնաբանելով Ադրբեջանի նախագահ Իլհամ Ալիևի վերջին հայտարարությունները։

Սարգսյանն անհեթեթ է համարել նաև Հայաստանի և այլ երկրների հասցեին ռասիզմի և իսլամաֆոբիայի մեջ Ադրբեջանի մեղադրանքները։

Իր հերթին, Տուսկը նշեց, որ Եվրամիությունն ամենից առաջ կոչ է անում Հայաստանին և Ադրբեջանին կատարել ԵԱՀԿ Մինսկի խմբի շրջանակում ստանձնած պարտավորությունները։

«Երկու կողմերը պետք է ցուցադրեն փոխզիջումների գնալու և երկխոսություն հաստատելու պատրաստակամություն` զերծ մնալով ագրեսիվ հռետորությունից։ Անկասկած, ղարաբաղյան հակամարտության խաղաղ լուծման այլընտրանք չկա»,– ասաց Տուսկը։

Նրա խոսքով` ագրեսիվ հռետորությունը և գործողությունները կարող են հանգեցնել ծանր հետևանքների։

Հայաստանի նախագահն իսկույն մեկնաբանեց այդ խոսքերը` հայտարարելով Տուսկին, որ  նա շարունակում է հավասարության նշան դնել Երևանի և Բաքվի միջև։ «Նախքան դրանից հրապարակավ հրաժարվելը նա այդ մասին անձամբ կհաղորդի պարոն Ալիևին»,– ասաց Սարգսյանը։

Դրան ի պատասխան` Տուսկը խոստացավ օբյեկտիվ լինել։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Հանրաքվեին հաջորդեցին Ադրբեջանի ձեռնարկած ռազմական լայնածավալ գործողությունները, որոնց հետևանքով Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց հետո հակամարտության գոտում դադարեցին ռազմական գործողությունները, որոնց հետևանքով երկու կողմն ընդհանուր առմամբ շուրջ 25-30 հազար զոհ ունեցավ, իսկ մոտ մեկ միլիոն մարդ էլ ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։