483.06
+0.19
562.04
+0.46
8.3
-0.05
+11
Եղանակը Երևանում
Հայ
Հայաստանի իշխանությունները հիմքեր չեն տեսնում ցուցարարների հետ բանակցությունների համար. քաղաքագետ
03:36
26 Հունիսի 2015

ԵՐԵՎԱՆ, 25 հունիսի. /Նովոստի–Արմենիա/. Հայաստանի իշխանությունները հիմքեր չեն տեսնում էլեկտրաէներգիայի թանկացման դեմ բողոքի ակցիայի մասնակիցների հետ բանակցություններ անցկացնելու համար, որոնք այս օրերին ընթանում են Երևանում և մի շարք այլ քաղաքներում, «Նովոստի–Արմենիա» գործակալությանը հայտարարեց ԱՊՀ երկրների ինստիտուտի հայկական մասնաճյուղի տնօրեն, քաղաքքագետ Ալեքսանդր Մարկարովը։

«Ո՛չ թալանին» քաղաքացիական շարժման ներկայացուցիչները հունիսի 19-ից Ազատության հրապարակում եռօրյա նստացույց էին անցկացնում։ Երկուշաբթի երեկոյան նրանք շարժվել էին դեպի ՀՀ նախագահի նստավայր, սակայն ոստիկանները կանգնեցրել էին նրանց Մարշալ Բաղրամյանի պողոտայի սկզբում` չթողնելով առաջ շարժվել։

Երեքշաբթի վաղ առավոտյան ոստիկանները ջրցան մեքենաների միջոցով ցրել են էլեկտրաէներգիայի թանկացման դեմ պայքարող և Մարշալ Բաղրամյան պողոտան փակած ցուցարարներին։ Շուրջ 240 մարդ բերման է ենթարկվել ոստիկանական բաժիններ, բոլորն արդեն ազատ են արձակվել, տուժել է 25 մարդ։ 

Մասշտաբային ակցիան վերսկսվել է նույն օրը երեկոյան։ Ցույցը կրում է բացառապես խաղաղ բնույթ։ Այս պահին Բաղրամյան պողոտան շարունակում է փակ մնալ։

«Իշխող Հայաստանի հանրապետական կուսակցությունը հինգշաբթի վարչապետ Հովիկ Աբրահամյանի բերանով, ըստ էության, հայտարարել է այն մասին, որ հիմքեր չի տեսնում էլեկտրաէներգիայի սակագնի վերաբերյալ Հանրային ծառայությունները կարգավորող հանձնաժողովի որոշումը վերանայելու համար։ Այս ամենը վկայում է այն մասին, որ դեռ հիմքեր չկան բանակցություններ անցկացնելու համար»,– ասաց Մարկարովը։

Հայաստանի վարչապետ Հովիկ Աբրահամյանը հինգշաբթի կառավարության նիստում հայտարարեց, որ պետությունը կսուբսիդավորի էլեկտրաէներգիայի ծախսերը 150 հազար անապահով ընտանիքների կամ 400 հազար մարդու համար, մեկ ընտանիքի համար նպաստի լրացուցիչ չափը տարեկան կտրվածքով կկազմի 24 հազար դրամ կամ տարեկան 2,5 մլրդ դրամ ողջ Հայաստանում։ Կառավարության որոշման համաձայն, ամենամսյա նպաստի չափն անապահով ընտանիքների համար կավելանա 2 հազար դրամով` մինչև 32 350 դրամ։

Ինչպես կարծում է Մարկարովը, կառավարության այդ որոշումից և վարչապետի հայտարարությունից հետո կարելի է սպասել իրադարձությունների զարգացման մի քանի տարբերակների։

«Առաջին տարբերակը, որ ցուցարարների թիվը կավելանա, դրանով հանդերձ կավելանա կառավարության վրա ճնշումը, երկրորդ տարբերակը` կպահպանվի լարվածությունը, և ժամանակի ընթացքում կամ կվերանա կամ գոնե փողոցում կմնա ակտիվիստների մի մասը։ Երրորդ տարբերակը, եթե լինեն սադրանքներ կամ կոշտանա ցուցարարների հռետորությունը, կհետևի իշխանությունների պատասխան արձագանքը. կամ նրանք կզիջեն կամ կձեռնարկեն այսպես կոչված կոշտ միջոցներ»,– հավելեց նա։

Ընդհանուր առմամբ, վերլուծելով ստեղծված իրավիճակը` փորձագետը նշել է, որ Հայաստանում բարդ սոցիալ–տնտեսական իրավիճակի պայմաններում, որը խորացել է հետկոնֆլիտկային իրավիճակով և շրջափակմամբ, որի պայմաններում բնակչության որոշակի մասը գտնվում է աղքատության եզրին, կոմունալ ծառայությունների ծախսերն ավելացնելու ցանկացած փորձ բողոք է առաջացնում։

«Դրան գումարած` Հայաստանում վերջին տարիներին ծնվել է քաղաքական մշակույթի նոր տարր` ուղղված նրան, որպեսզի արտահայտեն իրենց բողոքը ոտքերով հրապարակներում։ Դա եղել է և՛ 88–ին, և՛ 96–ին, բայց այդ ժամանակ դրանք զուտ քաղաքական ակցիաներ էին։ Ի տարբերություն քաղաքական ակցիաների` վերջին ժամանակ ծնվել է մշակույթ, երբ քաղաքացիական ակտիվիստները հանդես են գալիս իրենց պահանջներով, երբեմն հաջող, ինչպես տրանսպորտային սակագնի, կենսաթոշակային բարեփոխումների դեպքում, երբեմն  էլ` անհաջող։ Այս դեպքում այդ երկու գործոնները հանգեցրել են նրան, որ հայտնվել է բողոք` արտահայտված ցույցերում, որոնք խորացվել են ցրելով, և նրանցից շատերը, ովքեր նստել են տանը, դրանից հետո նույնպես դուրս են եկել փողոցներ»,– հավելեց  նա։

Հայաստանի Հանրային ծառայությունները կարգավորող հանձնաժողովը (ՀԾԿՀ) հունիսի 17–ի որոշման  համաձայն, էլեկտրաէներգիայի նոր սակագինը բնակչության համար կբարձրանա 6,93 դրամով` 1 կՎտ/ժ–ի համար մինչև 48,78 դրամ ցերեկային ժամերին և մինչև 38,78 դրամ 1 կՎտ/ժ–ի համար գիշերային ժամերին (բոլոր թվերը` ԱԱՀ հաշվի առնելով)։ Հաստատման դեպքում որոշումն ուժի մեջ կմտնի 2015թ.–ի օգոստոսի 1–ից։ Ընդ որում ՀԷՑ–ն իր դիմումում պահանջել էր սակագինը բարձրացնել  40,8 տոկոսով։-0-


 

Loading...
Թեմատիկ նյութեր
Բաժնի այլ նյութեր
22:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
02:05
01 Նոյեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
19:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
00:49
26 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
03:07
25 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
01:23
25 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
21:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
03:10
20 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
22:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
21:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
02:19
19 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
01:10
17 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները: