485.25
-0.08
569.44
-2.72
8.18
-0.02
+6
Եղանակը Երևանում
Հայ
Հայաստանում բողոքող երիտասարդությունն իմաստուն դիվանագիտություն է վարում. ակտիվիստ
18:58
25 Հունիսի 2015

ԵՐԵՎԱՆ, 25 հունիսի. /Նովոստի–Արմենիա/. Երևանի Բաղրամյան պողոտայում էլեկտրաէներգիայի թանկացման դեմ բողոքի ակցիա անցկացնող երիտասարդությունն իրեն բավական իմաստուն և դիվանագիտորեն է պահում, կարծում է «Կարին» ազգագրական համույթի ղեկավար, ակտիվիստ Գագիկ Գինոսյանը։

«Անհրաժեշտ է, որպեսզի նրանց գործողությունները հետագայում ևս նույնքան մտածված լինեն»,– հինգշաբթի մամուլի ասուլիսում ասաց նա։

Գինոսյանը, ով աջակցում է ցուցարարներին բանակցություններից հրաժարվելու հարցում, կարծում է, որ նրանք ունեն հստակ պահանջ, որը պետք է բավարարվի։

«Բանակցությունների սեղանի շուրջ կարելի է նստել այն դեպքում, եթե (հակառակ կողմից) դրսևորվի գործընթացի թեկուզ ինչ–որ ըմբռնում։ Օրինակ, եթե հայտարարվի այն մասին, որ ժամանակավորապես կասեցվել է էլեկտրաէներգիայի սակագնի թանկացման որոշումը»,– նշեց Գինոսյանը։

Հայաստանի վարչապետ Հովիկ Աբրահամյանը հինգշաբթի կառավարության նիստում հայտարարեց, որ պետությունը կսուբսիդավորի էլեկտրաէներգիայի ծախսերը 150 հազար անապահով ընտանիքների կամ 400 հազար մարդու համար, մեկ ընտանիքի համար նպաստի լրացուցիչ չափը տարեկան կտրվածքով կկազմի 24 հազար դրամ կամ տարեկան 2,5 մլրդ դրամ ողջ Հայաստանում։ Կառավարության որոշման համաձայն, ամենամսյա նպաստի չափն անապահով ընտանիքների համար կավելանա 2 հազար դրամով` մինչև 32 350 դրամ։

Իր հերթին Տեղեկատվական տեխնոլոգիայի ընկերությունների միության (UITE)  գործադիր տնօրեն Կարեն Վարդանյանը կարծում է, որ պետք է անցկացվի հետաքննություն երկրի էներգահամակարգում չարաշահումների և չափից դուրս ծախսերի փաստերով։

«Միայն այդ դեպքում ցուցարարները կհասկանան, որ ապրում են երկրում, որտեղ իշխում է օրենքը»,– նշեց նա։ Միաժամանակ Վարդանյանը համոզմունք հայտնեց, որ վերջնական նպատակին հասնելու համար բողոքի ակցիայի մասնակիցներին պետք է պրոֆեսիոնալ մոտեցում և օրինակ բերել «Դեմ եմ» շարժման գործունեությունը։

«Դեմ եմ» շարժման մասնակիցները հանդես են եկել Հայաստանում պարտադիր կուտակային կենսաթոշակային համակարգի ներմուծման դեմ, որը մտցվել է հանրապետությունում 2014թ.–ի հունվարի 1–ից։ Հայաստանի սահմանադրական դատարանը որոշում է ընդունել «Կուտակային կենսաթոշակների մասին» օրենքի մի շարք դրույթները Հայաստանի սահմանադրությանն անհամապատասխան և անվավեր ճանաչելու մասին։

«Այնտեղ աշխատել է հիանալի թիմ, ղեկավարությունում եղել են շուրջ 20 բարձր որակավորում ունեցող մասնագետներ տարբեր ոլորտներից։ Նրանց նաև միացել են պրոֆեսիոնալ տնտեսագետներ և իրավաբաններ։ Դրանում էր նրանց հաջողության երաշխիքը»,– ասաց Վարդանյանը։

Instigate ընկերության գլխավոր ինժեներ Վահագն Պողոսյանի խոսքով` ժամանակակից երիտասարդությունն իրեն հետևողական է պահում, և նրա հետ պետք է հաշվի նստել։ «Այդ տղաները ծնվել են անկախ Հայատանում, նրանք այլ կերպ են մտածում և գործում, քան մենք, ովքեր ծնվել և մեծացել են ԽՍՀՄ–ում։ Եվ դա կարող է հիանալի հիմք դառնալ ժողովրդավարական պետություն կառուցելու համար»,– եզրափակեց Պողոսյանը։

«Ո՛չ թալանին» քաղաքացիական շարժման ներկայացուցիչները հունիսի 19-ից Ազատության հրապարակում եռօրյա նստացույց էին անցկացնում։ Երկուշաբթի երեկոյան նրանք շարժվել էին դեպի ՀՀ նախագահի նստավայր, սակայն ոստիկանները կանգնեցրել էին նրանց Մարշալ Բաղրամյանի պողոտայի սկզբում` չթողնելով առաջ շարժվել։

Ակցիան վերսկսվել է երեկ երեկոյան։ Ցույցերը խաղաղ բնույթ են կրում։ Ներկա պահին Բաղրամյան պողոտան շարունակում է փակ մնալ։ –0–

Հայաստանի Հանրային ծառայությունները կարգավորող հանձնաժողովը (ՀԾԿՀ) հունիսի 17–ին որոշում է կայացրել էլեկտրաէներգիայի նոր սակագներ սահմանելու մասին։ Որոշման  համաձայն, էլեկտրաէներգիայի նոր սակագինը բնակչության համար կբարձրանա 6,93 դրամով` 1 կՎտ/ժ–ի համար մինչև 48,78 դրամ ցերեկային ժամերին և մինչև 38,78 դրամ 1 կՎտ/ժ–ի համար գիշերային ժամերին (բոլոր թվերը` ԱԱՀ հաշվի առնելով)։ Հաստատման դեպքում որոշումն ուժի մեջ կմտնի 2015թ.–ի օգոստոսի 1–ից։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։