484.04
+0.53
523.1
+1.64
8.44
+0.03
+11
Եղանակը Երևանում
Հայ
Երևանում բողոքի ցույցի մասնակիցները որոշել են նստացույց կազմակերպել
23:04
23 Հունիսի 2015

ԵՐԵՎԱՆ, 23 հունիսի. /Նովոստի–Արմենիա/. Երևանում էլեկտրաէներգիայի թանկացման դեմ բողոքող ցուցարարները որոշել են նստացույց կազմակերպել Բաղրամյան պողոտայում նախագահի նստավայրից ոչ հեռու, հայտնել է ակցիայի կազմակերպիչներից մեկը` համակարգող խմբի անդամ Իշխան Խոսրովյանը։

«Մնալու որոշումը հիմնականում կախված է ժողովրդից։ Մենք մի քանի տարբերակ ենք առաջարկել, այդ թվում` նստացույցը, ինչպես նաև` վերադառնալ Ֆրանսիայի հրապարակ։ Ժողովուրդը որոշել է մնալ և նստացույց անել», – նշել է Խոսրովյանը։

«Այստեղ գալով` մենք հստակ պահանջներ ենք ներկայացրել։ Համենայն դեպս,  մենք գիտենք, որ բերման ենթարկված ոչ բոլոր անձինք են դեռևս ազատ արձակվել։ Չկան հստակ տվյալներ այն մասին, թե որքան մարդ է մնացել ոստիկանությունում։ Ոմանց բաց են թողել, իսկ մի քանիսը դեռ գտնվում են հսկողության տակ», – ասել է նա։

Ինչպես հայտնել է Երևանի փոխոստիկանապետ Վալերի Օսիպյանը, նախօրեին ձերբակալված բոլոր ակտիվիստներին արդեն ազատ են արձակել։

Խոսրովյանը նշել է, որ համարյա բոլոր ձերբակալվածների նկատմամբ կիրառվել է Հայաստանի ՔՕ հոդվածներ, և ակցիայի կազմակերպման ևս մեկ խնդիրներից է, քրեական գործի դադարեցումը։

Նախօրեին Երևանում անցկացված բողոքի ցույցի կապակցությամբ Երևանի Արաբկիր և Քանաքեռ–Զեյթուն վարչական համայնքների դատախազությունը քրեական գործ է հարուցել ՀՀ ՔՕ 258–րդ հոդվածի 1–ի մասի հատկանիշներով (խուլիգանություն)։

Նրա խոսքով` մտավախություն կա, որ երեկվա բախումները կկրկնվեն` հաշվի առնելով ոստիկանության մարտական պատրաստվածությունը։

«Մտավախություն կա, որ ոստիկանությունը կրկին կփորձի ուժ կիրառել ցուցարարների նկատմամբ և կփորձի ցրել նրանց։ Մենք առաջին գծում բուֆերային գոտի ենք ստեղծել և փորձում ենք չեզոքացնել ցանկացած սադրիչի», – ասել է ակցիայի կազմակերպիչներից մեկը։

Խոսրովյանը նշել է, որ բողոքի ակցիայի մասնակիցներն ու կազմակերպիչները թույլ չեն տա որևէ բռնություն ոստիկանության նկատմամբ։

«Մենք ուզում ենք ապահովել մեր անվտանգությունը և որ ոստիկանությունը ուժ կիրառելու հիմքեր չունենա։ Շատ սադրիչներ կան, որոնք ցանկանում են հրահրել ոստիկանությանը, որպեսզի վերջինը ուժ կիրառի։ Մենք հետևում ենք, որ ոստիկանության կողմ ոչինչ չնետեն, և այդպիսի քաղաքացիներին մենք սադրիչներ ենք համարում», – ավելացրել է Խոսրովյանը։

«Ո՛չ թալանին» քաղաքացիական շարժման ներկայացուցիչները հունիսի 19-ից Ազատության հրապարակում եռօրյա նստացույց էին անցկացնում։ Երկուշաբթի երեկոյան նրանք շարժվել էին դեպի ՀՀ նախագահի նստավայր, սակայն ոստիկանները կանգնեցրել էին նրանց Մարշալ Բաղրամյանի պողոտայի սկզբում` չթողնելով առաջ շարժվել։

Երեքշաբթի վաղ առավոտյան ոստիկանները ջրցան մեքենաների միջոցով ցրել են էլեկտրաէներգիայի թանկացման դեմ պայքարող և Մարշալ Բաղրամյան պողոտան փակած ցուցարարներին։ Շուրջ 240 մարդ բերման է ենթարկվել ոստիկանական բաժիններ։ 25 մարդ տուժել են։

Բողոքի ակցիայի մասնակիցները պահանջում էին չեղյալ հայտարարել Հանրային ծառայությունները կարգավորող հանձնաժողովի` հունիսի 17–ին ընդունած որոշումը, որը վերաբերում է էլեկտրաէներգիայի սակագնի բարձրացմանը։ Ըստ որոշման` օգոստոսի 1–ից սակագինը 1 կՎտ/ժ–ի դիմաց կբարձրանա 6,93 դրամով (մոտ 16,7 տոկոսով)։ Ընդ որում` ՀԷՑ–ն իր հայտում առաջարկում էր սակագինը բարձրացնել 40,8 տոկոսով։ –0–

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։