484.75
-0.5
571.76
+2.32
8.19
+0.01
+1
Եղանակը Երևանում
Հայ
Օտարերկրյա լրատվամիջոցները փորձում են քաղաքականացնել բողոքի ակցիան. փորձագետ
20:28
23 Հունիսի 2015

ԵՐԵՎԱՆ, 23 հունիսի. /Նովոստի–Արմենիա/. Օտարերկրյա լրատվամիջոցները փորձում են քաղաքականացնել էլեկտրաէներգիայի թանկացման դեմ անցկացվող բողոքի ակցիան։ Այս մասին «Sputnik-Արմենիա» ռադիոկայանի եթերում հայտարարել է քաղաքագետ Հրանտ Մելիք–Շահնազարյանը` մեկնաբանելով երեկ լուսադեմին Բաղրամյան պողոտայում տեղի ունեցած բողոքի ակցիան և բախումները։

Երեքշաբթի լուսաբացին ոստիկանները ցրել են Բաղրամյանի պողոտան փակած և էլեկտրաէներգիայի թանկացման դեմ բողոքող ցուցարարներին։ Նախնական տվյալների համաձայն` ոստիկանական բաժիններ է տեղափոխվել  մոտ 240 մարդ, երկու կողմերից կան տուժածներ։

«Բողոքի երթը, միանշանակ, սոցիալական ուղղվածություն ուներ: Ակնհայտ է, որ այնտեղ քաղաքական որևէ բան չկա: Կոնկրետ Հայաստանում խնդիրը բացառապես սոցիալական նշանակություն ունի: Այլ հարց է, որ այն փորձում են քաղաքականացնել, որքան էլ տարօրինակ չլինի, հիմնականում, փորձում են դա անել դրսի լրատվամիջոցները, հատկապես՝ ուկրաինական և ռուսական։ Ակնհայտ է, որ այստեղ խնդիր կա, և հայկական տեղեկատվական դաշտը, հատկապես այսօր, ինչ-որ չափով վերածվել է ռուս-ուկրաինական հակամարտության հերթական հարթակի», – ընդգծել է Մելիք–Շահնազարյանը։

Փորձագետի խոսքով` պետք է հնարավորին չափ շուտ կանխել այս միտումը, քանի որ այն իսկապես կարող է շեղել թե՛ ցուցարարներին, թե՛ պետության ներկայացուցիչներին այն զարգացումներից, որոնք հատուկ են միայն Հայաստանին։

Մեկնաբանելով այն փաստը, որ մի շարք արևմտյան ԶԼՄ–ներ Երևանում տեղի ունեցածը բնութագրում են որպես «Մայդան»` նա նշեց, որ դրսի լրատվամիջոցների համար առանձնապես հետաքրքիր էլ չէ, թե ինչ է տեղի ունենում Հայաստանում և որն է իրական պահանջը:

«Կա սոցիալական դժգոհություն, սոցիալական բունտ, և նրանք փորձելու են այս հնարավորությունն օգտագործել սեփական խնդիրները լուծելու համար», – ավելացրել է նա։

Մելիք–Շահնազարյանի խոսքով` իրավիճակն ըստ ցանկության ներկայացնելը միայն լրատվամիջոցների գործունեությունը չէ, այն ավելի շատ համակարգում են հետազոտական կենտրոնները և տարբեր փորձագետները։ Հետևաբար, նման հրապարակումների հետևողականորեն հայտնվելը, ըստ Մելիք-Շահնազարյանի, վկայում է, որ աշխատանք է տարվում, որը կարող է բավական լրջորեն վնասել հայկական պետությանը:

Քաղաքական վերլուծաբան Մովսես Դեմիրճյանը համակարծիք է, որ խնդիրը սոցիալ-տնտեսական է, ավելին՝ ինչ-որ իմաստով նաև ինքնաբուխ է:

«Այստեղ խոսքը երկրի զարգացման վեկտորների ընտրության մասին չէ, կուսակցական գաղափարախոսության ընտրության մասին չէ: Այս իմաստով արտասահմանյան լրատվամիջոցների շատ նյութեր ուղղակի չեն արտացոլում այն իրավիճակը, որը ստեղծվել է Հայաստանում», – ընդգծել է նա։

Վերլուծաբանի խոսքով` օտարերկրյա լրագրողները կամ դրսի լրատվամիջոցների համար աշխատող լրագրողներն օգտագործում են տվյալ լսարանի համար հասկանալի բառապաշար և անալոգիաներ են անցկացնում տվյալ երկրում տեղի ունեցած դեպքերի հետ։

«Մեկ- երկու օրվա ընթացքում մեր լրատվական դաշտն արդեն հիմնական շեշտադրումները կանի, և դրսի ԶԼՄ-ները կսկսեն օգտվել մեր լրահոսից: Ենթադրում եմ, որ այս պահին մեր լրահոսն էլ չունի ձևակերպված նախադասություններ, մտքեր, դատողություններ: Դրանք ավելի շատ իրավիճակային են», – ասել է նա։

Քաղաքական վերլուծաբանը դժվարացել է կանխատեսել, թե ինչպես կզարգանան իրադարձությունները: Նրա խոսքով՝  կախված է նրանից, թե հավաքի մասնակիցներն այսօր ինչ խնդիր կդնեն իրենց առջև, և այդ խնդիրը որքան իրատեսական կլինի։

Նախօրեին Երևանում տեղի ունեցած բողոքի ակցիայի կապակցությամբ Երևանի Արաբկիր և Քանաքեռ–Զեյթուն վարչական համայնքների դատախազությունը քրեական գործ է հարուցել ՀՀ ՔՕ 258–րդ հոդվածի 1–ի մասի հատկանիշներով (խուլիգանություն)։

Բողոքի ակցիայի մասնակիցները պահանջում էին չեղյալ հայտարարել Հանրային ծառայությունները կարգավորող հանձնաժողովի` հունիսի 17–ին ընդունած որոշումը, որը վերաբերում է էլեկտրաէներգիայի սակագնի բարձրացմանը։ Ըստ որոշման` օգոստոսի 1–ից սակագինը 1 կՎտ/ժ–ի դիմաց կբարձրանա 6,93 դրամով (մոտ 16,7 տոկոսով)։ Ընդ որում` ՀԷՑ–ն իր հայտում առաջարկում էր սակագինը բարձրացնել 40,8 տոկոսով։ –0–

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։