478.04
+0.15
564.85
-3.12
8.3
-0.03
+19
Եղանակը Երևանում
Հայ
ՄԻԵԴ–ի որոշումը հավասարակշռություն է մտցրել Հայաստանի և Ադրբեջանի միջև. փորձագետ
18:45
19 Հունիսի 2015

ԵՐԵՎԱՆ, 19 հունիսի. /Նովոստի–Արմենիա/. Մարդու իրավունքների եվրոպական դատարանը, բավարարելով Հայաստանի և Ադրբեջանի ներկայացուցիչների բողոքները, երկուստեք հավասարակշռություն է մտցրել, «Sputnik-Արմենիա» ռադիոյի եթերում ասել է իրավաբանական գիտությունների թեկնածու, իրավագետ Եղիշե Կիրակոսյանը։

Ադրբեջանական ԶԼՄ–ները չորեքշաբթի տարածել են այդ երկրի ԱԳՆ հայտարարությունը «Չիրագովը և ուրիշները Հայաստանի դեմ» գործով Մարդու իրավունքների եվրոպական դատարանի որոշման առիթով, որը հիմնվել է Ադրբեջանի 6 քաղաքացիների` 2005թ.–ի ապրիլի 6–ի հայցի վրա։ Այդ երկրի ԱԳՆ հաղորդագրությունում ասվում է, որ դատարանը բանաձև է ընդունել հայցորդների օգտին։

Մարդու իրավունքների եվրոպական դատարանը հունիսի 16–ին բավարարել է Մինաս Սարգսյանի հայցն ընդդեմ Ադրբեջանի ու Էլհան Չիրագովի և ուրիշների հայցն ընդդեմ Հայաստանի՝ առաջարկելով երկու երկրների կառավարություններին ստեղծել մի մեխանիզմ, որի օգնությամբ ղարաբաղյան պատերազմի հետևանքով ունեզրկված այդ անձինք կկարողանան վերականգնել իրենց սեփականության իրավունքը և փոխհատուցում ստանալ

Կիրակոսյանի խոսքերով` այս որոշման մեկ այլ առանձնահատկությունն այն է, որ այստեղ շատ անմիջական է կապը Արցախի հակամարտության կարգավորման հետ:

«Եթե խոսում ենք Չիրագովի գործի մասին, ապա փաստացի ճանաչվում է Հայաստանի իրավազորությունն այդ տարածքների, մասնավորապես՝ Բերձորի նկատմամբ, և որի հիման վրա դատարանն ընդունեց իրավազորությունը», – ասել է Կիրակոսյանը։

Նա նշել է, որ սա արդեն իսկ որոշակիորեն անդրադառնում է Հայաստանի Հանրապետության՝ ԼՂ հակամարտության կարգավորման գործում որդեգրած դիրքորոշման վրա, քանի որ Հայաստանի հիմնական մոտեցումներից  է տարանջատել ՀՀ-ն և ԼՂՀ-ն, և Արցախը ներկայացնել որպես ինքնուրույն սուբյեկտ։

«Չիրագովի հայցն ընդդեմ Հայաստանի Հանրապետության» ներկայացվել է Հայաստանի, այլ ոչ թե ԼՂՀ-ի դեմ, քանի որ ԼՂՀ-ի դեմ ներկայացված բողոքը դատարանն ուղղակի չէր ընդունի: Հետևաբար, բողոքը ներկայացվել է Հայաստանի դեմ, որպեսզի դատարանը կարողանա քննել և հասկանալ, թե Հայաստանի Հանրապետությունն իրավազորություն ունի, թե ոչ», – ասել է Կիրակոսյանը։

Նրա խոսքերով` հակառակ կողմի հիմնական փաստարկն այն էր, որ Հայաստանի և Լեռնային Ղարաբաղի միջև կա անքակտելի կապ։

«Սակայն խնդրո առարկա իրավախախտումները տեղի են ունեցել մի տարածքում, որը միջազգայնորեն ճանաչված չէ և չի մտնում Հայաստանի Հանրապետության սահմանների մեջ», – ավելացրել է փորձագետը։

Կիրակոսյանի խոսքերով` հետևաբար պետք է հարց առաջանա, թե որքանո՞վ է դատարանի իրավազորությունն այստեղ կիրառելի։

Փորձագետն ավելացրել է, որ ՄԻԵԴ-ի իրավազորությունը տարածվում է միայն իր կոնվենցիայի անդամ պետությունների տարածքների նկատմամբ, հետևաբար՝ խոսվում է դատարանի արտատարածքային իրավազորության մասին։

«Այստեղ ունենք երկու անդամ պետություն` Հայաստան և Ադրբեջան: Եվ այստեղ խնդիր է առաջանում` որոշել, թե պետության տարածքը որն է: Եվ դրանից էլ առաջանում են խնդրահարույց և քաղաքական վիճաբանությունները», – ընդգծել է Կիրակոսյանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց հետո հակամարտության գոտում դադարեցին ռազմական գործողությունները, որոնց հետևանքով երկու կողմն ընդհանուր առմամբ շուրջ 25-30 հազար զոհ ունեցավ, իսկ մոտ մեկ միլիոն մարդ էլ ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
14:20
26 Սեպտեմբերի 2017
Մեծ Բրիտանիայի եվրահարցերով պետնախարարը կժամանի Երևան
Մեծ Բրիտանիայի` Ամերիկայի և Եվրոպական հարցերով պետնախարար Ալան Դունկանը սեպտեմբերի 26–28–ին ՀՀ ԱԳՆ ղեկավար Էդվարդ Նալբանդյանի հրավերով կժամանի Երևան։
11:21
26 Սեպտեմբերի 2017
Իրաքյան Քուրդիստանում քաղաքացիների 93%-ն «այո» է ասել անկախացմանը
Նախօրեին անկախության հարցով հանրաքվե է անցկացվել Իրաքյան Քուրդիստանում։
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան: