485.25
-0.08
569.44
-2.72
8.18
-0.02
-3
Եղանակը Երևանում
Հայ
«Արևելյան գործընկերությունը» ստեղծված չէ Ռուսաստանը շրջանցելու համար, կարծում են Երևանում
21:25
20 Մայիսի 2015

ԵՐԵՎԱՆ, 20 մայիսի. /Նովոստի–Արմենիա/. «Արևելյան գործընկերության» նախագիծը չպետք է ընկալվի որպես քաղաքական քայլ Ռուսաստանը շրջանցելու համար, չորեքշաբթի ՌԻԱ Նովոստիին ասել է Հայաստանի կրթության և գիտության նախարար, Հայաստանի հանրապետական կուսակցության նախագահի տեղակալ Արմեն Աշոտյանը։

«Կարծում եմ` առաջին փուլի ոչ այդքան արդյունավետ արդյունքները կապված են հենց այն հանգամանքի հետ, որ Ռուսաստանի դերը թերագնահատված է, և նախագիծն ընկալվում էր որպես համապատասխան տարածաշրջաններում ռուսական ազդեցությանը հակառակ նախագիծ»,– ասել է Աշոտյանը։

Ըստ նրա, եվրոպական «Արևելյան գործընկերության» նոր ձևաչափը պետք է ոչ թե մրցակցող լինի, այլ գործակցող։ «Ձևաչափ, որտեղ օրակարգը պետք է ձևավորվի, ելնելով այն պետությունների շահերից, որոնք ընդգրկված են «Արևելյան գործընկերությունում»,– ասել է նախարարը, նշելով, որ այդ պետքությունները քաղաքական մրցակցության տեսանկյունից դիտարկելն անընդունելի է բոլոր տեսանկյուններից։ «Նրանց ժողովուրդներն իրենց սեփական պետականությունն են կառուցում, և պետք է ելնել դրանից` հարգելով այդ պետությունների, այդ թվում` Հայաստանի ինքնիշխանությունը»,– ավելացրել է Աշոտյանը։

Նրա խոսքով, Հայաստանը բազմիցս իր շահագրգռվածությունն է հայտնել ԵՄ–ի հետ հարաբերությունների իրավաբանական նոր համակարգի կառուցման հարցում։ «Մենք շահագրգռված ենք հասարակական–իրավական ոլորտում բարեփոխումների իմպլեմենտացիայով։ Խոսքը ժողովրդավարական ինստիտուտների, մարդու իրավունքների պաշտպանության, կոռուպցիայի դեմ պայքարի մասին է»,– ասել է Աշոտյանը, ավելացնելով, որ տնտեսական օրակարգը նույնպես կարող է դիտարկման առարկա լինել` ելնելով այն իրողություններից, որոնք այժմ գոյություն ունեն, և հաշվի առնելով Հայաստանի անդամակցությունը Եվրասիական տնտեսական միությունում։

Ըստ նրա, ընդհանուր առմամբ, «Արևելյան գործընկերության» նկատմամբ վերաբերմունքը փոխվել է շատ երկրներում, այդ թվում` հենց Եվրամիությունում։ «Եվրոպացի քաղաքական գործիչները սկսել են գիտակցել, որ մի քանի առաջ լեհ–շվեդական նախաձեռնության գործընթացը պահանջում է վերաիմաստավորում և «ռեսթարթ» նոր իրողությունների և նոր մոտեցումների հիման վրա»,– ասել է նախարարը։

Խոսելով հայ–ռուսական հարաբերությունների մասին` Աշոտյանն ընդգծել է, որ դրանք ոչ միայն պատմական խորություն ունեն, այլ նաև ռազմավարական հեռանկարում այնքան խորն են, որ խոսել այն մասին, թե որոշ այլ հարթակներ դրանց կվնասեն, իմաստ չունի։ «Կարծում եմ, որ և Հայաստանը, և Ռուսաստանն այնքան մոտ և ճիշտ են զգում և հասկանում միմյանց, որ երկխոսությունը և ամբողջական գործակցության ու վստահության վրա հիմնված գործընկերությունը ռազմավարական գործընկերոջ շահերին հակասող քայլեր չձեռնարկելու գրավականն է։ Դա վերաբերում է ինչպես ՌԴ–ին, այնպես էլ Հայաստանին»,– ասել է նախարարը։

Առավել ևս, ինչպես նշել է Աշոտյանը, որ Ռուսաստանի բարձրագույն իշխանության ներկայացուցիչները բազմիցս հնչեցրել են կոչեր, ապագա եվրաինտեգրման, այդ թվում` նաև Ռուսաստանի եվրաինտեգրման գաղափարներ, որոնք կապված են ընդհանուր տնտեսական տարածքով և «Եվրամիություն գումարած Եվրասիական միություն» ձևաչափով։

Աշոտյանը հույս է հայտնել, որ հակասությունների մայրցամաքից Եվրոպան կարող է վերածվել գործակցության մայրցամաքի, հաշվի առնելով, որ Ռուսաստանը եվրոպական առաջատար պետություններից է, և ՌԴ–ի արժեհամակարգի եվրոպական բաղկացուցիչը շատ խորն արմատներ ունի։ «Երբ ասում ենք Եվրոպա, պետք է հասկանանք, որ Եվրոպան մի քիչ այլ երևույթ է, քան ԵՄ–ն։ Եվրոպան ավելի լայն է, քան ԵՄ 28 անդամ–պետությունների սահմանները»,– եզրափակել է նա։

«Արևելյան գործընկերություն» ծրագիրը նախատեսում է Եվրամիության քաղաքական ասոցիացիան և տնտեսական ինտեգրումը Ադրբեջանի, Հայաստանի, Բելառուսի, Վրաստանի, Մոլդովայի և Ուկրաինայի հետ։ Վերջին երեք երկրները նախորդ տարվա ընթացքում ստորագրել են ԵՄ–ի հետ ասոցացման համաձայնագիր, որոնք արդեն վավերացրել են ԵՄ անդամ պետությունների մեծ մասը։ -0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։