481.93
+0.2
569.16
+0.19
8.37
-0.02
+17
Եղանակը Երևանում
Հայ
Ադրբեջանին Եվրոպական խաղերի նախաշեմին ձեռնտու չէ սահմանին սադրանքներ անել. փորձագետ
18:12
07 Մայիսի 2015

ԵՐԵՎԱՆ, 7 մայիսի. /Նովոստի–Արմենիա/. Ադրբեջանին Եվրոպական խաղերի նախաշեմին ձեռնտու չէ սահմանին սադրանքներ անել,  ասաց ԱՊՀ երկրների ինստիտուտի Կովկասի բաժնի վարիչ, Հասարակական–քաղաքական ուսումնասիրությունների կենտրոնի տնօրեն Վլադիմիր Եվսեևը։

Սակայն, ըստ նրա, Եվրոպական խաղերն անվերջ չեն, դրանք կավարտվեն, և, սկզբունքորեն, ձեռքերն ազատ կլինեն նոր սադրանքների համար։

«Ոչ ոք չի կարող ասել, թե սադրանքները չեն կրկնվի։ Դրանք անպայման կկրկնվեն, ցավոք։ Այլ հարց է, որ Ադրբեջանին այժմ այնքան էլ հարմար չէ դրանով զբաղվել»,– հինգշաբթի լրագրողներին ասաց Եվսեևը Sputnik-Արմենիա միջազգային մուլտիմեդիոն մամուլի կենտրոնում։

«Սադրանքը կարող է պատահել այն պահին, երբ պատրաստվածության աստիճանը նվազի, և դա կարող է լուրջ վտանգի հանգեցնել։ Որքանով հասկանում եմ` վտանգն այժմ բնորոշ է հենց ղարաբաղյան ճակատին, քան հայ–ադրբեջանական սահմանին, թեև սադրանքներ հնարավոր են նաև այնտեղ»,– ասաց ռազմական փորձագետը։

Եվսեևն ավելացրեց, որ օգոստոսն ամենածանր ամիսն է հակամարտությունների սրման համատեքստում։

«Պաշտպանության պատրաստականություն կա, բայց դուք հասկանում եք, որ պաշտպանվելը միշտ ավելի ծանր է, քան հարձակվելը։ Եվ այստեղ  Ադրբեջանի ավելորդ սադրիչ գործունեությունը հանգեցնում է իրավիճակի սրմանը»,– նշեց Եվսեևը։

ՌԳԱ արևելագիտության ինստիտուտի Կենտրոնական Ասիայի և Կովկասի ուսումնասիրման կենտրոնի փորձագետ Անդրեյ Արեշևն իր հերթին նշեց, որ անհրաժեշտ է ընդգծել Հայաստանի և ԼՂՀ–ի անվտանգությունն ապահովող համապատասխան կառույցների գործունեությունը, թեև, ցավոք, զոհերից չի հաջողվում խուսափել, և վերջին տարիներին դրանց թիվը մեծացել է։

«Հայաստանում գիտեն և հիշում են, որ սադրանքները հաճախակի են դարձել տարբեր միջազգային պատվիրակությունների և արտասահմանյան պետությունների այցերի նախաշեմին»,– նշեց Արեշևը։

Ըստ նրա` դա մանր և ոչ այնքան մանր շանտաժի մարտավարություն է։ «Կցանկանայի զուսպ լավատեսություն արտահայտել, որ ԵԱՀԿ Մինսկի խմբի համանախագահների և միջազգային այլ կառույցների համար այդ շանտաժը կունենա ավելի քիչ նշանակություն»,– ասաց Արեշևը։

Պատմության մեջ առաջին Եվրոպական խաղերը, որոնք հետագայում կանցկացվեն չորս տարին մեկ, կանցկացվեն Բաքվում հունիսի 12-28–ը։ Մրցումների ընթացքում կխաղարկվի 253 մեդալի կոմպլեկտ 20 մարզաձևերում, դրանցից 11–ի մասով կկատարվի Ռիո դը Ժանեյրոյի Օլիմպիադա-2016–ի ընտրություն։ Ակնկալվում է, որ մրցումներին կմասնակցեն ավելի քան վեց հազար մարզիկներ մայրցամաքի բոլոր երկրներից։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց հետո հակամարտության գոտում դադարեցին ռազմական գործողությունները, որոնց հետևանքով երկու կողմն ընդհանուր առմամբ շուրջ 25-30 հազար զոհ ունեցավ, իսկ մոտ մեկ միլիոն մարդ էլ ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: