478.82
+0.2
557.59
+7.08
8.14
+0.04
+22
Եղանակը Երևանում
Հայ
Եվրախորհրդարանի դիտորդական առաքելության ղեկավարն Արցախի ընտրություններն անթերի է անվանել
20:25
04 Մայիսի 2015

ԵՐԵՎԱՆ, 4 մայիսի. /Նովոստի–Արմենիա/. Եվրախորհրդարանի պատգամավորների դիտորդական առաքելության ղեկավար Ֆրանկ Էնգելը մայիսի 3–ին Լեռնային Ղարաբաղի Հանրապետությունում կայացած ընտրություններն անթերի է անվանել։

«Ընտրություններն անթերի էին, դրանք թափանցիկ են անցել, Եվրոպայում կիրառվող միջազգային բոլոր չափանիշներին համապատասխան։ Դա ինձ համար շատ կարևոր փաստ է, քանի որ արցախցի ժողովուրդը հերթական անգամ ապացուցեց, որ ապրում է ժողովրդավարության միջազգային չափանիշներով»,– երկուշաբթի ասաց Էնգելը մամուլի ասուլիսում։

Ըստ նրա` հիշատակման արժանի որևէ միջադեպ դիտորդական առաքելությունը չի գրանցել։

«Լավ հիշում եմ, որ 2013 թվականի աշնանն Ադրբեջանը, իբր, նախագահական ընտրություններ անցկացրեց, որի արդյունքների մասին նախապես բոլորը գիտեին։ Եթե այդ երկիրը հավատում է, որ արցախցի ժողովուրդը ցանկանում է վերադառնալ Ադրբեջանի կազմ, ապա խորապես սխալվում է, քանի որ Արցախն ապրում է ավելի ժողովրդավարական չափանիշներով, քան Ադրբեջանը»,– ընդգծեց նա։

Միաժամանակ նա ծիծաղելի անվանեց որոշ եվրոպական երկրների հայտարարությունը` Լեռնային Ղարաբաղի Հանրապետության ընտրությունները չճանաչելու մասին։

«Եթե ընտրություններ չլինեին, նրանք կասեին, որ դա մի երկիր է, որտեղ նույնիսկ ընտրություններ չեն անցկացվում։ Իսկ այժմ չեն ցանկանում ճանաչել այդքան անթերի ու թափանցիկ քվեարկության արդյունքները։ Դա ծիծաղելի է»,– ասաց նա։

Պատասխանելով այն հարցին, թե չի՞ վախենում նա, արդյոք, Եվրախորհրդարանում ադրբեջանական կողմի լոբբիից, Էնգելը հայտնեց, որ չի վախենում դրանից, քանի որ առաջնորդվում է արդարության սկզբունքներով։

«Հայաստանի եվրոպացի բարեկամներ» կազմակերպության ղեկավար Էդուարդո Լորենցո Օչոան իր հերթին նշեց, որ ԼՂՀ–ի ընտրությունները զարմանալի էին։ «Մենք գիտենք, որ Հարավային Կովկասում ժողովրդավարության հետ կապված բազմաթիվ խնդիրներ կան, բայց այդ փոքրիկ տարածքը կարողացավ պահպանել ժողովրդավարական չափանիշները»,– ասաց նա։

Օչոան միաժամանակ ընդգծեց, որ մի շարք եվրոպական պետությունների կողմից ընտրությունների արդյունքները չճանաչելն այդ պետությունների խնդիրն է, ոչ թե Արցախինը։

ԼՂՀ–ում մայիսի 3-ին հերթական խորհրդարանական ընտրություններն են անցկացվել։ Նախնական տվյալներով` «Ազատ Հայրենիք» կուսակցությունը հավաքել է 47,35 տոկոսը (32632 ձայն), 19,01 տոկոսով (13105) երկրորդ տեղում է Արցախի դեմոկրատական կուսակցությունը, որի առաջնորդը Ղարաբաղի ԱԺ խոսնակ Աշոտ Ղուլյանն է։

Դաշնակցությունը հավաքում է ձայների 18,81 տոկոսը (12965), «Շարժում–88» կուսակցությունը` 6,93 տոկոսը (4777), «Ազգային վերածնունդ» կուսակցությունը` 5,38 տոկոսը  (3709), Լեռնային Ղարաբաղի Կոմունիստական կուսակցությունը` 1,65 տոկոսը (1136), «Խաղաղություն և զարգացում» կուսակցությունը` 0,86 տոկոսը (591)։

Արցախի խորհրդարանը բաղկացած է 33 պատգամավորից: 22 տեղերը բաշխվում են համամասնական, 11-ը` մեծամասնական համակարգով։ --0--

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: