484.75
-0.5
571.76
+2.32
8.19
+0.01
-1
Եղանակը Երևանում
Հայ
Հայոց ցեղասպանության 100–րդ տարելիցի վերաբերյալ ԵԽԽՎ–ի ընդունած հայտարարությունն աննախադեպ երևույթ է. Նաղդալյան
16:55
27 Ապրիլի 2015

ԵՐԵՎԱՆ, 27 ապրիլի. /Նովոստի–Արմենիա/. Հայոց ցեղասպանության 100–րդ տարելիցի վերաբերյալ ԵԽԽՎ–ի ընդունած հայտարարությունն այդքան քվեների թվով աննախադեպ է, երեքշաբթի լրագրողներին հայտնեց Հայաստանի Ազգային ժողովի փոխխոսնակ, ԵԽԽՎ–ում հայկական պատվիրակության ղեկավար Հերմինե Նաղդալյանը։

Հայաստանի Ազգային ժողովի պատվիրակությունը Ստրասբուրգում էր ապրիլի 19-25–ը, որտեղ մասնակցում էր Եվրոպայի խորհրդի Խորհրդարանական վեհաժողովի գարնանային նստաշրջանին։ Նիստի շրջանակում ԵԽԽՎ–ն ապրիլի 23–ին Օսմանյան կայսրությունում Հայոց ցեղասպանության 100–րդ տարելիցի վերաբերյալ հայտարարություն ընդունեց։ Ֆրանսիացի պատվիրակի, ԵԽԽՎ փոխմախագահ Ռենե Ռուկեի ներկայացրած փաստաթղթին կողմ քվեարկեց 171 պատգամավոր։

«Փաստաթղթի տակ իրենց ստորագրությունները դրեցին ավելի քան 40 երկրների  170–ից ավել խորհրդարանականներ (318–ից` խմբ.), բացառությամբ Թուրքիայի և նրան մոտ պետությունների, ինչը բացառիկ և աննախադեպ է ԵԽԽՎ–ի պատմության մեջ»,– ասաց Նաղդալյանը։

Նա շնորհակալություն հայտնեց արտերկրի դիվանագիտական ներկայացուցչությունների աշխատակիցներին և հայկական համայնքների ներկայացուցիչներին կատարած աշխատանքի, ինչպես նաև ԵԽԽՎ գործընկերներին` դրսևորած համերաշխության համար։

Փոխխոսնակը կարևորեց այն փաստը, որ հայտարարության տակ ստորագրել են ոչ միայն այն երկրների ներկայացուցիչները, ովքեր արդեն գիտեին և ճանաչել են Հայոց ցեղասպանությունը, այլ նաև այն պետությունները, որոնք ավելի վաղ հստակ դիրքորոշում այդ հարցով չէին հայտնել։

«Դա նշանակում է, որ Հայոց ցեղասպանության ճանաչման և դատապարտման հարցը կընդգրկվի այդ երկրների օրակարգում»,– ասաց Նաղդալյանը։

Նա հայտնեց նաև, որ ԵԽԽՎ–ի նստաշրջանի նիստերի օրերին անցկացվել են տարբեր միջոցառումներ` նվիրված Ցեղասպանության զոհերի հիշատակին։ Թուրքական պատվիրակության ներկայացուցիչներին ներկայացվել են խորհրդանշական «անմոռուկներ», անցկացվել է 1915 թվականի համաշխարհային մամուլի առաջին էջերի և պաստառների ցուցահանդես։

ԵԽԽՎ խորհրդարանականները նաև դրական են արձագանքել լռության րոպեով հարգանքի տուրք մատուցել Հայոց ցեղասպանության զոհերի հիշատակը։

«Նիստի ընթացքում բոլորը ոտքի են կանգնել, բացի թուրք խորհրդանականներից, և դա նույնպես ԵԽԽՎ–ի դիրքորոշումն է, որը վկայում է Հայոց ցեղասպանության ճանաչման դատապարտման մասին»,– ասաց Նաղդալյանը։

Նա միաժամանակ ավելացրեց, որ թուրքական պատվիրակությունից միայն մի պատգամավոր է համերաշխություն արտահայտել և կանգնել լռության րոպեին, սակայն նրա գործընկերները քննադատել են նրան այդ քայլի համար։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի այն քննադատություններին, որոնք վերաբերում են Հայոց ցեղասպանության հարցին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Հոլանդիան, ԱՄՆ նահանգների մեծամասնությունը, ինչպես նաև Ավստրիայի, Չիլիի, Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Շվեյցարիայի Ազգային խորհուրդը, Կանադայի խորհրդարանի համայնքների պալատը և Լեհաստանի սեյմը։ –0–

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։