485.92
+0.24
514.49
-2.52
8.16
-0.01
-7
Եղանակը Երևանում
Հայ
ՀՀ նախագահը բարձր է գնահատում ԵԺԿ-ի գործունեությունն` ուղղված ժողովրդավարության բարձրագույն արժեքների տարածմանը
21:51
25 Ապրիլի 2015

ԵՐԵՎԱՆ, 25 ապրիլի. /Նովոստի-Արմենիա/. ՀՀ նախագահ Սերժ Սարգսյանը շաբաթ օրը Եվրոպական ժողովրդական կուսակցության (ԵԺԿ) նախագահ Ժոզեֆ Դոլի հետ հանդիպման ժամանակ բարձր է գնահատել ԵԺԿ-ի գործունեությունը՝ ուղղված մարդասիրության և ժողովրդավարության բարձրագույն արժեքների սատարմանն ու տարածմանը, հաղորդում է ՀՀ նախագահի մամուլի ծառայությունը:

Սարգսյանը նաև շնորհակալություն է հայտնել ԵԺԿ նախագահին՝ հրավերն ընդունելու և Հայոց ցեղասպանության 100-րդ տարելիցի ոգեկոչման միջոցառումների օրերին հայ ժողովրդի կողքին լինելու համար:

Սերժ Սարգսյանն ընդգծել է ԵԺԿ-ի և անձամբ պարոն Դոլի ներդրումը Եվրոպական խորհրդարանի՝ Հայոց ցեղասպանությունը դատապարտող բանաձևի ընդունման գործում:

Եվրախորհրդարանն ապրիլի 15-ին բանաձև է ընդունել, որով կոչ է անում Թուրքիային «ճանաչել Հայոց ցեղասպանությունը» և  նման կերպով աջակցել երկու ժողովուրդների միջև խաղաղության վերականգնմանը:

ՀՀ նախագահը երախտագիտությամբ է նշել նաև ԵԺԿ քաղաքական համաժողովի կողմից 2015 թ.-ի մարտի 3-ին ընդունված Հայոց ցեղասպանության 100-րդ տարելիցին նվիրված՝ «Հայոց ցեղասպանությունը և եվրոպական արժեքները» բանաձևը, որով ԵԺԿ-ն արժանապատվորեն ապացուցեց համամարդկային արժեքներին ու սկզբունքներին իր հավատարմությունը:

Եվրոպական ժողովրդական կուսակցությունը մարտի 3–ին Բրյուսելում ընդունել է Հայոց ցեղասպանության 100–րդ տարելիցին նվիրված բանաձևը, որով ԵԺԿ–ն դատապարտում է հայ ժողովրդի հանդեպ ցեղասպանության գործողությունները, որոնք ծրագրվել և մշտապես չարակամորեն իրականացվել են Օսմանյան կայսրության և Թուրքիայի այլ ռեժիմների կողմից 1894-1924 թթ.–ին։ Փաստաթղթում նշվում է, որ այդ գործողություններն են հայրենազրկումը, ոճրագործությունները և էթնիկ գործոնով պայմանավորված բնաջնջումները, որոնք ուղղված էին հայկական բնակչության և նրա մշակութային ժառանգության ոչնչացմանը:

Սարգսյանը բարձր է գնահատել մեկ ամիս առաջ Եվրոպական խորհրդարանի ընդունած «Մարդու իրավունքների և ժողովրդավարության վերաբերյալ» 2013թ. տարեկան զեկույցը, որտեղ կոչ արվեց ԵՄ բոլոր անդամ պետություններին՝ ընդունել Հայոց ցեղասպանությունը և քաջալերեց նրանց ու ԵՄ կառույցներին՝ նպաստելու այդ հանցագործության ճանաչմանը:

Սարգսյանի խոսքերով` այս բոլոր քայլերը և այն երկրների արձագանքները, որտեղ ԵԺԿ անդամ կուսակցություններն իշխանություն են կազմում, Նախագահի խոսքով, իրենց գնահատելի ներդրումն ունեցան և մեծ ազդակ հաղորդեցին անցյալ դարասկզբին իրականացված հանցագործության ճանաչման ու դատապարտման գործին:

ԵԺԿ նախագահ Ժոզեֆ Դոլն իր հերթին շնորհակալություն է հայտնել Նախագահ Սերժ Սարգսյանին՝ Երևան այցելելու և Ցեղասպանության 100-րդ տարելիցի հիշատակի միջոցառումների մասնակցության հրավերի համար:

Նա ընդգծել է, որ իր համար ապրիլի 24-ի հիշատակի արարողությունը չափազանց հուզիչ էր: ԵԺԿ նախագահը նշել է, թե երեկ նաև այցելել է Ցեղասպանության թանգարան, գրառում կատարել պատվավոր հյուրերի գրքում և այժմ ցանկանում է նույնը կրկնել՝ իր համար անչափ կարևոր է հիշողությունը, բայց նույնքան կարևոր է հաջորդ քայլը՝ հաշտեցումը:

Հանդիպման ընթացքում ՀՀ Նախագահը և ԵԺԿ նախագահը քննարկել են Հայաստան-Եվրոպական Միություն համագործակցության ընթացքին և զարգացման հեռանկարին, ինչպես նաև առաջիկայում Ռիգայում կայանալիք Արևելյան գործընկերության գագաթնաժողովի նախապատրաստության հետ կապված հարցեր:

Զրուցակիցները գոհունակությամբ են խոսել Եվրոպական ժողովրդական կուսակցության և Հայաստանի Հանրապետական կուսակցության միջև ձևավորված սերտ համագործակցության մասին:

Հայկական երեք կուսակցությունները` ՀՀԿ-ն, ՕԵԿ-ը և «Ժառանգությունը» 2012 թ.-ի փետրվարի 10 –ին Եվրոպական ժողովրդական կուսակցության դիտորդի կարգավիճակ են ստացել: ԵԺԿ-ն ներկայացված է ԵՄ-ի բոլոր քաղաքական ինստիտուտներում, ինչպես նաև ԵԽ-ում:
Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի այն քննադատություններին, որոնք վերաբերում են Հայոց ցեղասպանության հարցին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Հոլանդիան, ԱՄՆ նահանգների մեծամասնությունը, ինչպես նաև Ավստրիայի, Չիլիի, Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Շվեյցարիայի Ազգային խորհուրդը, Կանադայի խորհրդարանի համայնքների պալատը և Լեհաստանի սեյմը։ –0–

Loading...
Թեմատիկ նյութեր
Բաժնի այլ նյութեր
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։
18:03
01 Հունվարի 2017
Լրացել է ՀԱՊԿ գլխավոր քարտուղար Բորդյուժայի լիազորությունների ժամկետը. նրան կփոխարինի քարտուղարի տեղակալը
Նախօրեին լրացել է ՀԱՊԿ գլխավոր քարտուղար Նիկոլայ Բորդյուժայի լիազորությունների ժամկետը։
11:23
26 Դեկտեմբերի 2016
ՀՀ նախագահն աշխատանքային այցով մեկնել է ՌԴ
ՀՀ նախագահ Սերժ Սարգսյանն առավոտյան աշխատանքային այցով մեկնել է Ռուսաստանի Դաշնություն:
11:33
22 Դեկտեմբերի 2016
Դեռ հարցական է, թե ովքեր կլինեն ՀՀԿ նախագահի տեղակալները
Այսօր ՀՀԿ-ն ԳՄ նիստ հրավիրելու է, բայց խորհրդի նիստ այդպես էլ չի հրավիրելու:
11:59
21 Դեկտեմբերի 2016
Հովիկ Աբրահամյանը չի ներառվի ՀՀԿ նախընտրական ցուցակի առաջին եռյակում. թերթ
ՀՀԿ նախընտրական ցուցակի առաջին երեք հորիզոնականներում չի լինելու նախկին վարչապետ, ՀՀԿ փոխնախագահ Հովիկ Աբրահամյանի անունը:
11:13
21 Դեկտեմբերի 2016
Իրանի նախագահը ժամանել է Հայաստան
ՀՀ նախագահի հրավերով պաշտոնական այցով չորեքշաբթի Հայաստան է ժամանել Իրանի Իսլամական Հանրապետության Նախագահ Հասան Ռոհանին:
13:19
20 Դեկտեմբերի 2016
ՀՀ պաշտպանության նախկին նախարարը հայտարարել է մեծ քաղաքականություն մտնելու մասին
ՀՀ պաշտպանության նախկին նախարար Սեյրան Օհանյանը երեքշաբթի Facebook-ի իր նորաստեղծ էջում գրել է քաղաքականություն մտնելու մասին։
12:27
20 Դեկտեմբերի 2016
Լավրովը նշել է Թուրքիայում ՌԴ դեսպանի սպանության նպատակը (ՏԵՍԱՆՅՈՒԹ)
Թուրքիայում Ռուսաստանի դեսպան Անդրեյ Կարլովի սպանության նպատակը Մոսկվայի և Անկարայի հարաբերությունների խաթարումն է։