487.19
+0.52
519.34
-1.15
8.11
-0.11
-3
Եղանակը Երևանում
Հայ
ԱՄՓՈՓՈՒՄ. Թուրքիայի ներկայացուցիչները դատապարտել են Հայոց ցեղասպանությունը
21:14
23 Ապրիլի 2015

ԵՐԵՎԱՆ, 23 ապրիլի. /Նովոստի–Արմենիա/. Ընդամենը մի քանի ժամ է մնացել մինչև խորհրդանշական տարեթիվը` Հայոց ցեղասպանության զոհերի հիշատակի օրը։ Այս տարի նշվում է հայ ժողովրդի պատմության այդ ողբերգական իրադարձության 100–րդ տարելիցը։ Այս օրերին, երբ մեկ դար առաջ իրագործված հանցագործությունը քննարկման նյութ է ողջ աշխարհում, անմասն չեն մնացել և թուրք փորձագետները, որոնց համար այդ հարցը, նախևառաջ, համամարդկային խնդիր է։

Այսպես, խոսելով Թուրքիայի կողմից ցեղասպանության ճանաչման անհրաժեշտության մասին` Մարդու իրավունքների միջազգային ֆեդերացիայի (FIDH) նախագահ և Թուրքիայի մարդու իրավունքների ասոցիացիայի խորհրդի անդամ Յուսուֆ Ալաթաշը հայտարարեց, որ պաշտոնական Անկարան պարտավոր է դա անել։ Ավելին, ըստ նրա, Թուրքիան պետք է պաշտոնապես ներողություն խնդրի այդ սարսափելի հանցագործության զոհերի ժառանգներից։ «Հայոց ցեղասպանության խնդիրը ոչ միայն քաղաքական է կամ իրավական, դա համալիր խնդիր է, որն ընդգրկում է բոլոր թվարկած կողմերը»,– ասաց թուրք իրավապաշտպանը։

Հայ հասարակությանը հետաքրքրող մեկ այլ կարևոր հարցն է` ինչպե՞ս թուրքական պետության դիրքորոշման վրա կազդի տարբեր երկրներում վերջին ժամանակներում Ցեղասպանության ճանաչումը, որոնց խորհրդարանները դատապարտել են այդ հանցագործությունը և կոչ են արել Թուրքիային հրաժարվել ժխտողական քաղաքականությունից։

Յուսուֆ Ալաթաշի կարծիքով` հատուկ նշանակություն չունի, թե ինչպես են վարվում մյուս պետությունները, կարևոր է, որ Թուրքիան անի դա։ «Նա պետք է ճանաչի ցեղասպանությունը` ելնելով իր ներքին համոզմունքներից, և Թուրքիան ունի այդ հնարավորությունները։ Թուրքիան պետք է լուրջ քայլեր անի տվյալ ուղղությամբ` առանց որևէ նախապայմանի և ավելորդ բարդություններ ստեղծելու»,– նշեց նա։

Հայ և թուրք իրավապաշտպանների հռչակագիրը

Հինգշաբթի Մարդու իրավունքների միջազգային ֆեդերացիան (FIDH), Հայաստանի քաղաքացիական հասարակության ինստիտուտը, Թուրքիայի մարդու իրավունքների ասոցիացիան և Թուրքիայի մարդու իրավունքների հիմնադրամն ընդունեցին Հայոց ցեղասպանությանը վերաբերող համատեղ հռչակագիր։

Հռչակագիրը կոչ է անում Թուրքիային պաշտոնապես ճանաչել Օսմանյան կայսրությունում հայկական բնակչության ցեղասպանության կազմակերպման և իրականացման պատասխանատվությունը, վերջ դնել ժխտողականության քաղաքականությանը և փոխհատուցել զոհերի ժառանգների և ամբողջ հայկական համայնքի վնասները։ Փաստաթղթում նշվում է նաև, որ Թուրքիայի կողմից ցեղասպանության ընդունումը կնպաստի հայ–թուրքական հարաբերությունների վերականգնմանը։

Թուրքական հասարակությունը և Ցեղասպանությունը

Թուրք փորձագետ, Հրանտ Դինքի հիմնադրամի տնօրենների խորհրդի անդամ Չենգիզ Աքթարը լրագրողներին ասաց, որ վերջին տարիներին Թուրքիայում Հայոց ցեղասպանության խնդրի շուրջ դինամիկ գործընթացներ են նկատվում, իսկ թուրքական հասարակությունը շատ է փոխել այս ընթացքում իր հայացքները 1915 թվականի պատմական փաստերի շուրջ։

«Թուրք հասարակությունն այլևս միասնական չէ իր հայացքներում, այլ, հակառակը, բաժանված է բազմաթիվ մասերի։ «Գոյություն ունի պաշտոնական Թուրքիայի և բոլորովին այլ հայացքներ ունեցող շատ այլ խմբերի, երիտասարդության, ակտիվիստների դիրքորոշումը»,– ավելացրեց Աքթարը։

Թուրք փորձագետները միասնական են մի հարցում` Թուրքիայում կան մարդիկ, ովքեր, ի հակառակ պաշտոնական Անկարայի, չեն ժխտում Ցեղասպանության փաստը։ Ավելին` նրանք կիսում են հայ ժողովրդի ցավը և դատապարտում են Ցեղասպանությունը։ Փորձագետները հույս հայտնեցին, որ առաջիկայում երկրների հարաբերությունները կկարգավորվեն։

Ի տարբերություն թուրք գործընկերների լավատեսության` հայ փորձագետները չեն հավատում, որ հայ–թուրքական հարաբերություններում առաջիկայում որևէ լուրջ փոփոխություն կլինի։

Այսպես, Կովկասի ինստիտուտի տնօրեն Ալեքսանդր Իսկանդարյանը` որպես քաղաքագետ, առաջիկա տարիներին կտրուկ փոփոխություններ չի ակնկալում հայ–թուրքական հարաբերություններում, և պատճառ չի տեսնում, որ դրանք պետք է լինեն, բայց հասարակությունում այդ փոփոխությունները կշարունակվեն և վաղ թե ուշ կազդեն Թուրքիայի կառավարության դիրքորոշման վրա։ 

Հայաստանի քաղաքացիական հասարակության ինստիտուտի նախագահ Արտակ Կիրակոսյանը նշեց, որ Ցեղասպանության հարցը, նախևառաջ, անդրադառնում է մարդու իրավունքներին։ «Ելնելով դրանից` անհրաժեշտություն է առաջանում ոչ միայն ճանաչել ցեղասպանությունը, այլ նաև որոշակի գործողություններ իրականացնել մարդկության դեմ նմանատիպ հանցագործությունները կանխելու համար»,– նշեց Կիրակոսյանը։ -0-

Loading...
Թեմատիկ նյութեր
Բաժնի այլ նյութեր
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին: