484
-0.04
526.01
+2.91
8.52
+0.08
+11
Եղանակը Երևանում
Հայ
Անկարան Հայոց ցեղասպանության մասին հայտարարություններով փորձում է այնպես անել, որ Օբաման չօգտագործի «ցեղասպանություն» եզրույթը. թուրքագետ
17:15
21 Ապրիլի 2015

ԵՐԵՎԱՆ, 21 ապրիլի. /Նովոստի–Արմենիա/. Թուրքիայի վարչապետ Ահմեդ Դավութօղլուն և արտգործնախարար Մևլյութ Չավուշօղլուն Հայոց ցեղասպանության մասին հայտարարություններով փորձում են թույլ չտալ, որ ԱՄՆ նախագահ Բարաք Օբաման օգտագործի «ցեղասպանություն» եզրույթը, երեքշաբթի «Նովոստի–Արմենիա» գործակալությանն ասաց թուրքագետ Անդրանիկ Իսպիրյանը։

Նախօրեին Թուրքիայի վարչապետ Դավութօղլուն հայտարարել է, որ թուրք ժողովուրդը հարգում է 1915թ.–ին Օսմանյան կայսրությունում զոհված հայերի հիշատակը և ցավակցություն է հայտնում նրանց թոռներին։ Թուրքիայի ԱԳ նախարար Չավուշօղլուն երեքշաբթի հայտարարել է, որ Անկարան մտադիր չէ հրաժարվել Երևանի հետ հարաբերությունների վերականգնման ուղուց։

«Նրանց հայտարարություններում ոչ մի անկեղծություն, որևէ լուրջ բան չկա, բացարձակ կեղծավորություն է։ Դավութօղլուի խոսքերը գրեթե չէին տարբերվում նախորդ տարի ապրիլի 24–ի նախաշեմին Թուրքիայի նախագահ Ռեջեփ Թայիփ Էրդողանի արած հայտարարություններից», – նշեց Իսպիրյանը։

Նրա խոսքով` տարվա ընթացքում Անկարան ոչինչ չի արել այդ հայտարարությունների անկեղծությունն ապացուցելու համար։ «Ավելին, Դավութօղլուն այս անգամ հանդես է մեղադրանքներ է ուղղում այն երկրների հասցեին, որոնք ճանաչում են ցեղասպանությունը։ Չավուշօղլուն իր հերթին այս պաշտոնում գործունեություն ծավալելու ամենասկզբից բացասական դիրքորոշում է ունեցել հայ–թուրքական հարաբերությունների լավացման հարցում և միշտ հանդես է եկել ադրբեջանամետ դիրքորոշմամբ», – նշեց Իսպիրյանը։

Ապրիլի 24–ին ԱՄՆ նախագահները ավանդաբար դիմում են հայ ժողովրդին կարեկցանքի և աջակցության խոսքերով։ Սակայն իրենց ուղերձներում «ցեղասպանություն» եզրույթը փոխարինվում է այլ ձևակերպումներով` «ջարդ», «մեծ ողբերգություն»։ ԱՄՆ–ի ներկա նախագահ Բարաք Օբաման, ով մինչև նախագահի պաշտոնը ստանձնելը խոստացել էր պաշտոնապես ճանաչել և դատապարտել Հայոց ցեղասպանություն, իր ուղերձներում մի քանի անգամ օգտագործել է «Մեծ եղեռն» արտահայտությունը, ինչն, ըստ էության, նշանակում է «ցեղասպանություն»։

Հայաստանի և Թուրքիայի միջև բացակայում են դիվանագիտական հարաբերությունները, իսկ հայ-թուրքական սահմանը պաշտոնական Անկարայի նախաձեռնությամբ փակ է 1993 թվականից: Երկու երկրի միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։

Հայաստանի և Թուրքիայի հարաբերությունների կարգավորման գործընթացը 2008թ.–ի աշնանը նախաձեռնել է ՀՀ նախագահ Սերժ Սարգսյանը։ 2009թ.–ի հոկտեմբերի 10–ին Հայաստանի և Թուրքիայի արտգործնախարարները Ցյուրիխում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման արձանագրությունը», որոնք պետք է վավերացվեին երկու երկրների խորհրդարանների կողմից։

Սակայն 2010թ.–ի ապրիլի 22–ին Սարգսյանը հայ–թուրքական արձանագրությունների վավերացման գործընթացը դադարեցնելու մասին հրամանագիր ստորագրեց` հայտարարելով, որ Թուրքիան պատրաստ չէ շարունակել սկսած գործընթացը։ Իսկ 2015 թ.–ի հունվարի 16–ին Սարգսյանը հետ կանչեց արձանագրությունները խորհրդարանից։ –0–


 

Loading...
Թեմատիկ նյութեր

Բաժնի այլ նյութեր
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։